Starhopper

De Biquipedia
Dibuixo d'o Starhopper en prochecto.
SpaceX Starhopper en marzo de 2019.

O Starhopper, u tamién clamau Starship Hopper (en aragonés: Langosto estelar), ye un codete construyiu per a interpresa estadounidense SpaceX ta efectuar blincos suborbitals de preba.

Caracteristicas[editar | modificar o codigo]

Incorpora tres motors Raptor d'os quals tant nomás un ye operativo de momento. Tien 40 metros d'altaria y 9 metros de diametro, tres motors Raptor a pur de metano y oxicheno liquido ta prebar as tecnolochias que faigan posible a construcción d'o BFR y a suya nau Starship. Se prochecta que tienga un escudo termico exterior d'acero inoxidable refricherau per medio d'o metano d'os tanques.

Historia[editar | modificar o codigo]

Estió construyíu dende noviembre de 2018 dica marzo de 2019. En chinero de 2019 una tronada danyó seriosament o vehíclo que habió d'estar reconstruyíu. O 26 de chulio de 2019 efectuó lo suyo primer vuelo (u blinco) aconseguindo 20 metros d'altaria. O vuelo tenió puesto en Boca Chica, Texas, Estaus Unius y tenió una duración de 22 segundos. O 27 d'agosto de 2019 realizó lo suyo segundo blinco. En ista enchaquia s'elevó a 150 metros d'altaria y tenió una duración de 57 segundos.