Spiš

De Biquipedia
Ir a la navegación Ir a la búsqueda
Spiš
Zips
Szepesség
Rechión historica d'Eslovaquia
Escudo de Spiš
Escudo
Slovakia Spis.gif
Situación en Eslovaquia
Capital Levoča (historica)
Ciudat mas poblata Poprad
Idioma oficial
 • Atros idiomas
Eslovaco
Alemán, hongaro y polaco
Entidat
 • Estato
Rechión historica
Flag of Slovakia.svg Eslovaquia
Subdivisions Rechions de Košice y Prešov
Población
 • Total

alto u baixo 320.000 hab.
Pachina web oficial

Spiš (en latín Scepusium, en alemán Zips, hongaro Szepesség, polaco Spisz) ye una rechión situada entre o noreste d'Eslovaquia y o sudeste de Polonia. Spiš ye una designación oficiosa d'o territorio (igual que por eixemplo a rechión de Borgonya), pero tamién ye o nombre d'una d'as 21 rechions toristicas oficials d'Eslovaquia. A rechión no ye una división administrativa de por sí, pero entre o sieglo XI y 1918 estió un condato perteneixient a o Reino d'Hongría (Se veiga condato de Szepes).

Cheografía[editar | editar código]

A rechión ye amugada por os montes Tatras y o río Dunajec a o norte, as fuents d'o río Váh a l'ueste, a cordelera de Slovenské rudohorie y o río Hnilec a o sud y as poblacions de Stará Ľubovňa y Margecany a l'este. O nuclio d'a rechión ye formau por as vals d'os ríos Hornád y Poprad, y a cordelera de Tatras. O suyo territorio presenta grans superficies de selvas (en zaguerías d'o sieglo XIX, o 42,2% d'a rechión yeran selvas).

Nacionalidatz[editar | editar código]

Seguntes os censos feitos por o Reino d'Hongría en 1869, y dimpués en 1900 y 1910, a población d'o condato de Szepes yera formada por as siguients nacionalidatz:

A composición etnica d'a rechión en l'actualidat ye de raso diferent; amás d'a desaparición d'as collas de chodigos, exterminaus mientres a Segunda Guerra Mundial, cal parar cuenta en a evacuación d'a población alemana en rematar a contienda.

D'atra man s'han incorporau a la población de Spiš grupos de población romanís y gorals (literalment, montanyeses), un colectivo chicot en termins de población, pero con a suya propia cultura y dialecto.

Spiš en la actualidat[editar | editar código]

Spiš ye actualment una d'as 21 rechions toristicas d'Eslovaquia. No ye, como estiera d'atros tiempos, una rechión administrativa.

Dende 1996, Spiš ha estau dividida entre as actuals rechions de Košice y Prešov y se corresponde con os districtos administrativos de Propad, Kežmarok, Stará Ľubovňa, Spišská Nová Ves, Levoča y Gelnica, difuera de bellas chicotas zonas.

A población actual d'a rechión ye d'alto u baixo 320.000 habitadors; quasi a metat d'a población vive en ciudatz, destacando-ne Poprad (55.000), Spišská Nová Ves (39.000) y Kežmarok (17.000).

Vinclos externos[editar | editar código]