Soldau de chuguete

De Biquipedia
Ir a la navegación Ir a la búsqueda
Soldaus de plomo en una botiga d'obchetos usaus de Straßburg.

Un soldau de juguete ye una figura en miniatura, feita en plastico, goma u metal, y que representa a un soldau. As primeras figuras se feban en plomo y teneba como funcionalidat a chugarrina de os borches. Dica os anyos 50 as figuras se feban d'este material y se vendaban pintadas y decoradas, cheneralment presentadas en caixas bien decoradas. Ta part d'alavez, no podeban comprar estas figuras todas as familias por lo que a mayoría de os borches chugaban con soldaus de papel.

As figuras se feban en escala 1/32 u 1/35.

L'aparición de a goma y dimpués o plastico acotoloron o mercau de figuras de plomo, pero logrón a democratización d'este chuguete. As anyadas 50 marcas como Reamsa, Jecsan, Pech Hermanos, Teixidor, empecipió a fer figuras en gomas, que vendeban tamién decoradas y en caixas. Esta epoca coincidiban con con a edat d'oro d'o cine, y as marcas feban reproduccions de as figuras de as peliculas, asinas marcas como REAMSA en Barcelona fación, chuegos de O Cid Campiador, a policía montada de o Canada, as clicas de Ben Yuçuf, indios y vaquers, Guillén Tell, turcos y arabes de Lawrence d'Arabia, mesmo fación a reproducción de a batalla de os sitios de Zaragoza con una caixa adedicada a Agustina d'Aragón con o canyón y os defensors. Estió a marca con más referencias y a suya producción duró dende 1951 dica 1978. Muitas familias de Barcelona se ganaban a vida decorando a man as figuras de Reamsa.

As anyadas 60 con o plastico, fación creixer a requesta, marcas como Pech y Jecsan fación figuras de soldaus d'a II Guerra Mundial y as guerras d'independencia de EEUU y prou que coleccions d'indios y vaquers. Más que más cal destacar Pech Hermanos, que creó un conchunto de figuras de l'exercito espanyol desfilando que estión a delicia de os borches d'as anyadas 60, asinas en i heba mariners, guardias cevils, paracaidistas, policía armada, regulars, moros, infantería, aviación y esquiadors.

A marca Teixidor tamién de Barcelona, destacó por reproduccions de l'exercito espanyol, destacando a suya colección de motocicletas.

A facilidat de producción de o plasticó animó a atras marcas, así Comansi, empecipio a fer figuras más tabornizas y una mica más grans que no tenión guaire exito en comparanza con as marcas de a competencia.

Esta facilidat cambió tamién a tendencia de a escala y en estas anyadas marcas como Eko, Rocoo y Montaplex empecipan a fer figuras de soldaus de plastico en escala 1/72 u OH (1/87) que yeran compatibles entre si y con as figuras de o modelismo ferroviario. Si en as anyadas 60 se podeba fer una reproducción d'una pelicula u mesmo una chicota batalla achuntando as figuras de cuantos borches, as anyadas 70, con esta escala permitiban en poco espacio y por muitos menos diners fer verdaderas batallas. Por ixo, totz es borches acababan por cambiar d'escala malas que viyeban esta posibilidat.

Os zaguers anyos d'as anyadas 70 marcan atra tendencia, si dica agora os soldaus de chuguete yeran chuguetes y serviban ta la chugarrina de a mainada, dende agora aparixen figuras en plastico duro ta montar y tamién flexible con mayor detalle y enfocadas a os coleccionistas grans y no pas ta o chuego. Este periodo ye caracterizau por marcas como Airfix que abraca más que más a II Guerra Mundial y as guerras napoleonicas. Y Tamiya marca chaponesa de gran detalle y alto coste que se centra en a II Guerra Mundial. En este periodo conviven as dos escalas (1/72 y 1/32) y as dos tendencias, o chuguete y o modelismo.

Estes zagurs son de desarrollo más recient y son clamadas figuras modelo ta distinguir-los de os soldaus de chuguete tradicionals. Con tot y con ixo, as figuras de goma y plastico d'as anyadas 50 y 60 hue tienen una gran requesta entre o coleccionismo y miniaturismo.

As anyadas 80, seguindo esta tendencia recuperón as figuras de plomo enfocadas a coleccionistas y editadas por marcas comercials a través de fasciculos semanals, como Ediciones Altaya[1]

Dende as anyadas 90, bi ha gran diversidat de marcas, periodos y escalas, mesmo s'ha ubierto camín a escala intermedia, 1/48, pero siempre enfocadas a o coleccionismo, perdendo o soldau de chuguete a suya funcionalidat de chugarrina ta convertirse en obchecto de colección. Destacar a marca Boom de Barcelona que per primera vegada, fa reproduccions a escala de soldaus y armamento de a guerra civil espanyola y a guerra de Cuba.

En Aragón, o museu de minaturas militars de Chaca acubilla una ampla colección de soldaus d'escala 1/72 fendo reproduccions de diversos periodos historicos. Tamién pachinas web [2] s'han dedicau a visualizar este patrimonio que forma parte d'a historia y d'a vida social d'a nuestra epoca.

Referencias[editar | editar código]