Agustina d'Aragón

Agustina d'Aragón
Agustina d'Aragón
Información personal
Naixida o:	1786
Naixida de:	Reus
Muerta o:	1857
Muerta en:	Ceuta
Ocupación:	heroína

Agustina Raimunda Maria Saragossa i Domènech, mas conoixida como Agustina d'Aragón (1786-1857 Ceuta) estió una heroica defensora de Zaragoza mientres os Seches, en a Guerra d'o Francés.

Se discute o suyo puesto de naixencia, un d'éls se sitúa en Barcelona, en a placeta de Montcada, en o barrio de la Ribera baptizada en a ilesia de Santa María d'a Mar.^[1] Manimenos, a-saber-la bibliografia aragonesa recient sitúa lo suyo naiximiento en 1786 en Reus,^[2] y igualment reculle la suya naixencia de Reus a web d'o Museu de l'Exercito.^[3]

Primeras anyadas

Agustina se casó a los 16 anyos con Joan Roca Vila-seca, cabo d'artillería. Iste participó dende o prencipio en a Guerra d'o Francés, estando present en a batalla d'o Bruc. Os escaiximientos d'a guerra lo levoron a él y a Agostina enta Zaragoza.

A Guerra d'Independencia

Mientres o seche de Zaragoza, Agostina fació l'acción heroica por a cual ye celebre. Habendo cayiu nafraus u muertos toz os defensors d'a Puerta d'el Portiello, as tropas de l'exercito francés s'aprecisoron a prener-la por a fuerza. Estando a situación desesperada Agostina, que formaba parti d'una colla de mullers que atendeba a los numerosos ferius, consiguió disparar un canyón sobre las tropas francesas que correban sobre a dentrada aparentement indefensa. Os asaltants franceses, temendo una emboscada, se retiroron y nuevos defensors acudioron a tapar o forau, esfendendo-se la ciudat una vegada mas.

A suya muerte

Agustina d'Aragón morió en Ceuta, o 20 de mayo de 1857, a los 71 anyos d'edat. Dica 1870 no fuoron tresladadas as suyas restas enta Zaragoza, descansando primero en o Pilar y dende o 14 de chunio de 1908, as suyas restos chacen en a capiella de l'Anunciación d'a Ilesia de Nuestra Sinyora d'o Portiello, estando veneraus como los d'una gran heroína que con valor y decisión rebuyó as adversidaz y venció a l'enemigo. Se considera como un d'os simbolos mas representativos d'a resistencia aragonesa contra os invasors napoleonicos.

Referencias

↑ (ca) Nomenclàtor del web de l'Ajuntament de Barcelona, extret del llibre "Diccionari Nomenclàtor de les vies públiques de Barcelona", 1996 (Achuntamento de Barcelona, 1996), compilau por Jesús Portavella i Isidoro.
↑ M. Beltrán, Antonio Beltrán Martínez y Guillermo Fatás (dir. y coord.): Aragoneses Ilustres Zaragoza: Caja de Ahorros de la Inmaculada, 1983. p. 9-10.
↑ (es) El 4 de marzo de 1786 nace Agustina de Aragón, en a web d'o Museu de l'Exercito.

Datos: Q718272
Multimedia: Agustina de Aragón / Q718272

[1] (ca) Nomenclàtor del web de l'Ajuntament de Barcelona, extret del llibre "Diccionari Nomenclàtor de les vies públiques de Barcelona", 1996 (Achuntamento de Barcelona, 1996), compilau por Jesús Portavella i Isidoro.

[2] M. Beltrán, Antonio Beltrán Martínez y Guillermo Fatás (dir. y coord.): Aragoneses Ilustres Zaragoza: Caja de Ahorros de la Inmaculada, 1983. p. 9-10.

[3] (es) El 4 de marzo de 1786 nace Agustina de Aragón, en a web d'o Museu de l'Exercito.

[1]

[2]

[3]