Secilians

De Biquipedia
Ir a la navegación Ir a la búsqueda
Secilians
Siciliani
Uomo siciliano.jpgSicilian costume 2 1880.jpgSicilian costume 3 1880.jpg
Población total
5.037.000 (2008)
Rechions con comunidatz importants
Flag of Sicily.svg Secilia
Idiomas
Secilián y italián
Relichión
Catolicismo.
Pueblos relacionatos
Pueblos latins

Os secilians son os habitants nativos de Secilia, uns 5 millons. Con un modo tradicional de vida agricola, una luenga romanz propia (secilián) y relichión cristiana catolica. A mayor part d'a población de Secilia ye por l'aspecto fisico iberoinsular. Bells aspectos d'a cultura popular son d'orichen normando, como as marionetas.

En a sociedat seziliana destaca o fenomeno d'a Mafia o ligallo d'os hombres negocios fuera d'a legalidad.

A tamas d'a reforma agraria, d'una modesta industrialización y d'o desembolique d'o torismo, o desempleyo encara ye elevato. Os secilians forman un grupo de man d'obra barata y son fuent tradicional d'emigrants, en atros tiempos con destín ta Estatos Unitos, més tarde ta o norte d'Italia.

Historia[editar | editar código]

A etnochenesi d'os secilians se troba en a romanización d'os habitants d'a isla. Dimpués d'a caita d'o Imperio Román d'Occident, Secilia cayó en poder d'o Imperio Román d'Orient u Imperio Bizantín. Secilia recibió a emigración masiva d'os rumís, que deixoron Africa dimpués d'a ocupación musulmana.

Os Aglabís ocuporon Secilia encomenzando un periodo d'islamización y división politica pareixito a lo fenomeno de reinos taifas de l'Al Andalus. En un inte de febleza d'os Zirís d'Ifriqiya os bizantins ninvioron mercenarios normandos pa reconquerir Secilia. Manimenos os mesmos mercenarios normandos estioron qui se quedoron con Secilia. A lo prencipio bi habió tolerancia con as comunidatz greco-ortodoxas y islamicas, que dimpués desapareixioron. A la muerte d'o zaguer sobirán normando Secilia pasó mans d'os Hohenstaufen. O zaguer Hohenstaufen que reinó en Secilia estió Manfredo I, muerto en 1266 en luita contra os Anchú.

Quan os franceses iban a prener o control de Secilia, os secilians miroron o refirme d'a Corona d'Aragón y se rebeloron en as Viespras Secilianas. Secilia estió baixo control primero d'a Corona d'Aragón, (dimpués adhibita en o Espanya) dica a Paz d'Utrech.

Quasi siempre baixo dominación estranchera y con una mala administración, dimpués d'a dominación espanyola a situación empeyoraba por as epidemias y o bandidache. En o sieglo XVII bi habió grants fambres que causoron revueltas. A meyatos d'o sieglo XIX as revueltas agrarias ubrioron o camín pa la unificación con Italia en 1860.

En o periodo d'a Italia Faixista Mussolini quasi remató con o problema d'a Mafia con man dura y deportacions. Os americans reintroducioron a mafia seciliana dende a diaspora italiana u seciliana present en Estatos Unitos porque yera uno d'os pocos grupos antifaixistas organizatos d'o sur d'Italia. Dimpués d'a victoria contra as Potencias d'o Eixe, a Mafia seciliana recuperó y dica aumentó o suyo poder. Dende 1948 os secilians tienen un autogobierno limitato.

Bibliografía[editar | editar código]

  • Amiram Gonen, Diccionario de los pueblos del mundo. 1996 Anaya&Mario Muchnik.