Sanchak

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un sanchac (en idioma turco sancak, literalement «bandera») ye una división administrativa de l'Imperio Otomán.

Los sanchacs estioron en l'orichen lo primer nivel de subdivisión de l'Imperio Otomán. Amaneixen enta lo sieglo XIV como circunscripcions militars: en efecto, los soldans otomans desposaban de cuerpos de caballería ditos "spahis" dencima d'un exercito profesional, que serviban a lo soldán a cambeo d'una gratificación territorial. Los dominios mes grans se diciban zaim u zeamet, y los mes chicoz timar. Los spahis partiban ta la guerra en lo cuadro de lo sanchac a on viviban, condueitos por un Sanchacbei (bei ye un títol turco).

Cuan l'imperio fue dividito a fins de lo sieglo XIV en provincias ditas beylerbeyliks (dimpués eyalets u vilayets), los sanchacs esdevinioron subdivisions de segundo nivel.

Lo numero de sanchacs ha cambiato muito: la meya estió de 150, pero con la reforma de los Tanzimat en lo sieglo XIX crexió dica los 400.

Bels sanchacs no estioron adhibitos en garra provincia como los sanchacs de Bengasi y Çatalca, a on los dirichents dependeban dreitament de la Sublime Puerta.

Bels sanchacs han estato famosos por la suya importancia cheopolitica, por los suyos problemas interetnicos u por los problemas de cambeo de mugas que han implicato:

• Lo Sanchac de Novi Pazar, actualment dividito entre Montenegro y Serbia, ye una zona con eslaus musulmans de luenga serbocroata reclamata por los nacionalistas bosnios.
• Lo Sanchac d'Alexandreta ye en Turquía pero lo reclama Siria.