Sanchak

De Biquipedia

Un sanchak (en idioma turco sancak, literalement «bandera») ye una división administrativa de l'Imperio Otomán.

Los sanchaks estioron en l'orichen lo primer nivel de subdivisión de l'Imperio Otomán. Amaneixen enta lo sieglo XIV como circunscripcions militars: en efecto, los soldans otomans desposaban de cuerpos de caballería ditos "spahis" dencima d'un exercito profesional, que serviban a lo soldán a cambeo d'una gratificación territorial. Los dominios mes grans se diciban zaim u zeamet, y los mes chicoz timar. Los spahis partiban ta la guerra en lo cuadro de lo sanchak a on viviban, condueitos por un sanchacbei (bei ye un títol turco).

Cuan l'imperio fue dividito a fins de lo sieglo XIV en provincias ditas beylerbeyliks (dimpués eyalets u vilayets), los sanchaks se convertioron en subdivisions de segundo nivel.

Lo numero de sanchaks ha cambiato muito: la meya estió de 150, pero con la reforma de los Tanzimat en lo sieglo XIX crexió dica los 400.

Bels sanchaks no estioron adhibitos en garra provincia como los sanchaks de Bengasi y Çatalca, a on los dirichents dependeban dreitament de la Sublime Puerta.

Bels sanchacs han estato famosos por la suya importancia cheopolitica, por los suyos problemas interetnicos u por los problemas de cambeo de mugas que han implicato: