Russell Crowe

Russell Crowe
Russell Crowe en 2005
Información personal
Calendata naiximiento:	7 d'abril de 1964
Puesto naiximiento:	Wellington (Nueva Zelanda)
Ocupación:	Actor Director cinematografico
Pai	John Alexander Crowe
Mai	Jocelyn Yvonne Wemyss
Conchuche:	Danielle Spencer (2003- )
Premios Oscar
Oscar a o Millor Actor: -2000: por Gladiator.
Globos d'Oro
Globo d'Oro a o Millor Actor Dramatico: -2001: por A Beautiful Mind.
Premios BAFTA
Premio BAFTA a o Millor Actor: -2002: por A Beautiful Mind.

Russell Ira Crowe (d'o suyo nombre artistico Russell Crowe) ye un actor y director cinematografico neozelandés, naixiu lo 7 d'abril de 1964 de Wellington (Nueva Zelanda), encara que la mayor parte d'os prencipios d'a suya carrera cinematografica estioron en Australia. Activo en o cine australiano y posteriorment en o cine estausunidense y mundial dende primerías d'os anyos 1970, ha recibiu cuantos premios y nominacions mientres a suya carrera cinematografica. Ye sobrino d'o chugador de críquet Dave Crowe y primo d'os chugadors Jeff Crowe y Martin Crowe.

D'entre la suya filmografía como actir, pueden mencionar-se bellas cintas, como The Silver Brumby (1993, John Tatoulis), The Quick and the Dead (1995, Sam Raimi), L.A. Confidential (1997, Curtis Hanson), Gladiator (2000, Ridley Scott), Master and Commander: The Far Side of the World (2003, Peter Weir), 3:10 to Yuma (2007, James Mangold), Robin Hood (2010, Ridley Scott), The Man with the Iron Fists (2012, RZA), Noah (2014, Darren Aronofsky), The Mummy (2017, Alex Kurtzman), Thor: Love and Thunder (2022, Taika Waititi), Nuremberg (2025, James Vanderbilt).

Premios

Russell Crowe recibió un premio Oscar a lo Millor Actor en 2000 por o suyo papel en a cinta Gladiator, de Ridley Scott.

En 1991 recibió un Premio de l'Instituto d'o Cine Australiano a o Millor Actor Segundario por Proof, de Jocelyn Moorhouse; en 1992 un Premio de l'Instituto d'o Cine Australiano a o Millor Actor por Romper Stomper, de Geoffrey Wright; y en 2005 un Premio de l'Instituto d'o Cine Australiano a o Millor Actor Internacional por Cinderella Man, de Ron Howard.

En 2002 recibió un Premio BAFTA a o Millor Actor por A Beautiful Mind, de Ron Howard. Por ista misma cinta recibió en 2001 un Globo d'Oro a o Millor Actor Dramatico.

Antiparte, en 1999 recibió un Premio NBR a o Millor Actor por The Insider, de Michael Mann.

Se veiga tamién

• Cintas dirichidas por Russell Crowe.
• Cintas interpretadas por Russell Crowe.

Vinclos externos

• Se veigan as imáchens de Commons sobre Russell Crowe.
• (en) Russell Crowe en Internet Movie Database.

• Datos: Q129817
• Multimedia: Russell Crowe / Q129817