Rote Flora
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O Rote Flora ye un antigo teatro situau en o barrio de Schanzenviertel en Hamburgo. Fue ocupau en noviembre de 1989 en respuesta a la decisión de convertir-lo en un teatro musical.
Historia de l'edificio
[editar | modificar o codigo]![](http://upload.wikimedia.org/wikipedia/commons/thumb/c/cd/Flora-crystallpalast.png/250px-Flora-crystallpalast.png)
O teatro se construyó en 1888 con o nombre de Tivoli-Theater. Ascape, se renombró como Concerthaus Flora, conoixiu como Flora-Theater, fendo-se por ixas envuelta en o suyo escenario operettas y atras representacions teatrals. Estió un dos pocos teatros que no tenió danyos mientres a Segunda Guerra Mundial, por o que as representacions continoron dica 1943. Mientres os zaguers anyos d'a guerra, o teatro se zarró y s'emplego como almadazén, encara que tornó a ubrir-se en 1949 dimpués d'haber-se esviellau. Dende 1953 dica 1964, l'edificio s'emplegó como cine con un aforo d'alto u baixo 800 personas; os grans magacens 1000 Töpfe s'instaloron dimpués en l'edificio dica l'anyo 1987.
Historia d'o prochecto politico
[editar | modificar o codigo]Ocupación y prochecto d'o concello
[editar | modificar o codigo]Dimpués d'o cierre d'os grans magacens, o productor musical Friedrich Kurz planificó a reconversión de l'edificio en un teatro musical. Manimenos residents d'a zona, vendedors y grupos autonomos respondioron negativament a la propuesta y, mientres bels meses, as protestas se facioron mas grans. Con tot y con ixo, parti d'o historico edificio fue espaldau en abril de 1988. Encara continoron as protestas, rematando en asaltos violentos protagonizaus por grupos d'insurchents. A necesidat d'a contina protección policial y a respuesta negativa d'os medios fació retacular a os inversors, quedando os plans aturaus.
Dica o siguient verano, as ruinas y a parti de l'edificio que yera en piet continoron albandonaus, encara que bels grupos, mas que mas embrecaus en as primeras protestas, prencipioron con una ambiciosa renovación mirando de tornar a emplegar l'edificio. En agosto de 1989, o concello d'a ciudat ufrió, ta a suya sospresa, a cesión por seis meses de l'edificio a ditos grupos. Cuan se fació oficial a cesión tornó a ubrir-se o Rote Flora o 23 de setiembre de 1989. Manimenos, a cesión se declaró ascape obsoleta y o Rote Flora fue ocupau o 1 de noviembre de 1989. Dende alavez, o Rote Flora ufre un espacio ta eventos culturals y politicos de toda mena. O prochecto ye financiau por donacions y eventos de replega de diners organizaus independientment.
![](http://upload.wikimedia.org/wikipedia/commons/thumb/a/a8/Rote_Flora_Demonstration_2011_%282%29.jpg/250px-Rote_Flora_Demonstration_2011_%282%29.jpg)
Entre 1990 y 1991, o prochecto convirtió solar desierto - a on se trobaba antis parti d'a construcción - en un parque. O gubierno d'a ciudat, d'atra man, teneba plans ta construyir apartamentos en iste mesmo puesto, desenvolicando o conflicto en una orden policial ta forachitar a os ocupas.
En agosto de 1992, o Senador de Desenvolique Urbán pidió a os responsables de Rote Flora que sinyasen una orden ta ceder os terrenos en un periodo de seis semanas. En atro caso a policia tornaría a forachitar a os ocupas. As negociacions entre o gubierno y os representants d'o Rote Flora duroron meses; remanindo a la fin a ocupación de l'edificio.
Un incendio en noviembre de 1995 destruyo gran parti de l'edificio, habiendo d'estar reconstruyiu y esviellau. O Rote Flora continó estando un puesto de reunión d'a cultura y os grupos politicos d'ezquierdas.
Venda y privatización
[editar | modificar o codigo]En agüerro de 2000, o Senau d'Hamburgo tornó atra vegada a prencipiar as negociacions ta una nueva cesión. Dimpués d'11 anyos d'ocupación, o Rote Flora tornó a estar un asunto politico d'actualidat en as eleccions de l'anyo 2001.
Dimpués de controvertidas discusions, os ocupas refusoron toda mena de negociación con o Senau. En respuesta, o Senau vendió l'edificio en marzo de 2001 a o empresario Klausmartin Kretschmer. En as siguients semanas, Kretschmer made deixó platero que no habría cambeos en a suya chestión; o Rote Flora continaría estando autonomo.
Cabo d'anyo y nueva venda
[editar | modificar o codigo]![](http://upload.wikimedia.org/wikipedia/commons/thumb/4/41/RoteFloraDemoG8-10.jpg/250px-RoteFloraDemoG8-10.jpg)
O Rote Flora celebró o 15eno cabo d'anyo d'a suya ocupación en noviembre de 2004. Mientres as protestas anti-G8 en Alemanya en l'anyo 2007 se prenió como punto de trobada d'os protestants[1][2] fendo congresos politicos y eventos culturals.
En zaguerías de marzo de l'anyo 2011, o contracto orichinal entre o propietario y a ciudat remató. En o contracto yera fixau baixo que condicions podeba Kretschmer vender l'edificio y que iste había d'estar un centro social. Dende alavez, s'ubriba a posibilidat de vender-lo por o precio y condicions que él querese. Si Kretschmer vendeba o "Rote Flora" tornaría o peligro de desalochamiento.
Os chestors d'o Rote Flora creyoron a campanya "Flora bleibt unverträglich"[3] con actividaz contra o posible desalochamiento.
Manifestacions y disturbios de 2013
[editar | modificar o codigo]![](http://upload.wikimedia.org/wikipedia/commons/thumb/7/75/Hamburg_Demonstration_2013-12-21_3.jpg/250px-Hamburg_Demonstration_2013-12-21_3.jpg)
En agosto de 2013 Kretschmer cedió, seguntes o Hamburger Abendblatt, o edifició a Gert Baer, d'a interpresa Baer und Baer Consulting.[4] En octubre de 2013 se conoixeba que existiban plans ta a construcción d'un centro cultural y sala de conciertos de seis pisos d'altaria en o Rote Flora.[5] Activistas d'ezquierdas anuncioron o suyo refuse a un eventual cambeo en o teatro.[6] De feito existe dende 2011 un ature en o desenvolique d'obras en a zona: l'edificio d'o Roten Flora no se puet espaldar y s'identifica expresament como Aria d'intrés cheneral y centro cultural municipal.[7] L'asamblea de districto d'Altona confirmó en zagueras d'o mes d'octubre, que l'edificio no se podría espaldar ni modificar y que s'emplegaría como centro cultural d'o districto.[8] Kretschmer pidió manimenos que se podese aplicar un uso privau de l'edificio ya que teneba una ufierta d'una interpresa americana de ropa.[9]
En zaguerías de 2013 Kretschmer, o propietario, menazó con viedar l'actuación d'o grupo de hip-hop Fettes Brot, planificada ta o 3 de noviembre de 2013.[10] Kretschmer anunció que o grupo habría de bosar una "cuota d'emplego" de 5.000 euros por usar as instalacions, a o que o grupo se negó. O día 2 de noviembre de 2013 Kretschmer metió una denuncia por un delito de "menaza d'allanamiento de propiedat".[11] O concierto d'o día 3 de noviembre de 2013, que podió seguir-se tamién con una pantalla chigant instalada en a frontera de l'edificio, tenió una asistencia de 2.000 espectadors. O mesmo día Kretschmer metió un atra denuncia contra o grupo de hip-hop por dentrar en l'edificio sin autorización.[12] Poco dimpués pidió a os ocupas, que heban estau en o suyo edificio mientres 24 anyos, mas de nueu millons d'euros d'indemnización.[13]
Cultura
[editar | modificar o codigo]O Rote Flora organiza regularment mercaus, fiestas y eventos culturals, amás de servir como punto de trobada ta movimientos politicos d'ezquierdas. Por un regular en os suyos eventos se tractan temas politicos como a immigración, o nacionalismo en Alemanya u a privatización d'os espacios publicos. O Rote Flora ye financiau prencipalment por donacions y partius. No se i fan conciertos de musica comercial, manimenos o Rote Flora ufre un amplo rango de musica alternativa entre a que se troban o punk, o reggae, o ska, o dub, o drum 'n' bass y a goa.
En os zagues anyos o Rote Flora ha manifestau a suya importancia como centro cultural alternativo, estando una parte esencial d'o barrio de Schanzenviertel.
A frontera de l'edificio se gosa emplegar como espacio ta mensaches politicos.
O Rote Flora tamién organiza exposicions d'arte, treballando con artistas de tot o mundo y ufriendo un entorno unico ta la creyación artistica.
Se veiga tamién
[editar | modificar o codigo]Referencias
[editar | modificar o codigo]- ↑ (de) www.de.indymedia.org
- ↑ (de) www.dissentnetwork.org
- ↑ (de) florableibt.blogsport.de
- ↑ (de) Rote Flora schon verkauft?' Taz 15 d'agosto de 2013
- ↑ (de) Hamburg: "Rote Flora" soll künftig Konzerthalle und Kita beherbergen Spiegel Online. 5 d'octubre de 2013
- ↑ (de) Rote Flora: Widerstand angekündigt ndr.de. 11 d'octubre de 2013
- ↑ (de) Steht die Rote Flora vor dem Verkauf?, Hamburger Abendblatt vom 15. August 2013
- ↑ (de) Rote Flora bleibt ein Stadtteilkulturzentrum, Hamburger Abendblatt. 24 d'octubre de 2013
- ↑ (de) Kretschmer beantragt "private Nutzung" der Roten Flora, Hamburger Abendblatt. 29 d'octubre de 2013
- ↑ 'Eigentümer droht mit Polizei taz.de 1 de noviembre de 2013
- ↑ (de) [1]Stern.de: Wirbel um geplantes Fettes-Brot-Konzert in „Roter Flora“
- ↑ (de) Strafanzeige gegen „Fettes Brot“', mopo.de. 6 de noviembre de 2013
- ↑ (de) Die Rote Flora macht Millionengewinne!, mopo.de 7 de noviembre de 2013
Vinclos externos
[editar | modificar o codigo]- (de) Pachina oficial
- (de) Imachen d'o barrio de Schanzenviertel y o Rote Flora
- (an) De l'Hamburgo de St.Pauli a qualsiquier barrio de l'estau espanyol #Gefahrengebiet Arredol.com. 11 de chinero de 2014.