Hamburger Abendblatt

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Hamburger Abendblatt

Información cheneral
Periodicidat	Diaria (fueras d'o domingo)
País	Alemanya
Distribución	Hamburgo
Seu	Hamburgo
Fundación	1948
Carácter	Cheneralista
Idioma	Alemán
Circulación	286.992^[1]
Propietario	Funke-Mediengruppe
Editor chefe	Claus Strunz
ISSN	0949-4618
Web	abendblatt.de

O Hamburger Abendblatt (en aragonés literalment O Periodico de tardis d'Hamburgo) ye un periodico diario d'a ciudat d'Hamburgo, Alemanya, publicau por Axel Springer AG. Fue mercau por o grupo mediatico Funke-Mediengruppe l'1 de chinero de 2014. O periodico gosaba amaneixer nomás de lunes ta sabado, pero dende o 29 d'octubre de 2006 se publica tamién una edición dominical ta completar a edicion d'os domingos d'o Hamburger Morgenpost que prencipió o 5 de noviembre de 2006.

O periodico se centra mas que mas en noticias de l'aria d'Hamburgo, incluyindo suplementos con noticias rechionals de Norderstedt, Ahrensburg, Harburg y Pinneberg. Politicament o periodico ye licherament conservativo, pero por un regular gosa refirmar a o gubierno, tamién en os periodos d'administración d'o SPD.

Historia

Cuatre periodicos anteriors d'Hamburgo levaban o apelliu Abendblatt ("Periodico d'a tardi") en o suyo nombre, incluyindo un atro dito Hamburger Abendblatt, fundau o 2 de mayo de 1820.

L'actual Hamburger Abendblatt, manimenos, se publicó por primera vegada dimpués d'a Segunda Guerra Mundial, dende o 14 d'octubre de 1948, con una primera edición de 60,000 copias. Recibió una licencia de publicación d'o Senau y de l'alcalde d'Hamburgo Max Brauer, estando asinas o primer diario d'a post-guerra en Alemanya en recibir un permiso que no provenise d'as autoridaz ocupants. Dimpués de seix meses de circulación, s'aumentó a tirada a 170.000 copias diarias. Dica os anyos 1970 se distribuiba de tardis, pero actualment se fa de maitins.