Rosada

De Biquipedia
Ir a la navegación Ir a la búsqueda
Finestra con rosada.

Se diz rosada[1][2][3][4] [5] (d'o latín < RORE"agualera"[6]) a la capa de chelo cristalín que se forma en las superficies exposadas a lo raso y que s'han tornau prou fridas pa que u lo ruxío u agualera se chele u se produga la sublimación inversa de la vapor d'augua que bi ha en l'aire.

La rosada se produce quan bi ha boira en un aire con temperatura menor de 0 °C, quan lo punto d'agualera ye por debaixo de lo de conchelación. Bi ha alavez, en la boira u nuble, muitas gotas d'augua en estau de sobrefusión, quan por un regular ya s'habrían conchelau. Ixe estau anormal s'atura quan las gotetas entran en contacto con bella superficie solida, como por eixemplo lo suelo, las fuellas de las plantas, los teitos, ecetra..., sobre la que se alavez se conchelan a escape en forma de cristals muito chicotz y brillants, deseparaus por inclusions d'aire.

Quan lo cielo ye raso de nueit puet producir-se un enfriamiento progresivo y fuerte de lo suelo, por radiación de la suya calor. La humidat atmosferica, que puet estar relativament calida y seca, se condensa sobre las superficies solidas en forma d'agualera u conchelando-se, si ixas son dichós 0 °C.

Efectos en las plantas[editar | editar código]

Prau con rosada.

La vechetación puet aguantar bien una nueit que las fuellas sían sozmesas a con condicions de conchelación. Las fuellas de las plantas forman una capa de estau liquido muito frido, asegurando temperaturas de -4 °C a -12 °C. Manimenos, una vegada que la rosada se forma, las celulas vechetals de la superficie de la fuella pueden malmeterse por haber-ie cristals de chelo filoso. Muitas bacterias son particularment efectivas quan se forma rosada.

Las plantas anuals, como las tomateras, morirán una vegada que se faiga la primera chelada de l'anyada. Las plantas caducifolias morirán tamién, pero tornarán a rechitar una vegada que plegue la primavera. A la fin, las plantas perens, como las coniferas, serán verdes toda l'anyada, encara que lur creiximiento siga mayor en temporadas sin de rosada.

Las diferencias en lo clima pueden influir a saber-lo en como malmete la rosada. Por eixemplo lo romero morirá quan siga a lo raso en zonas més fridas, mientres que en puestos temperaus calidos podrá sobrevivir.

Referencias[editar | editar código]

  1. (es) Francho Nagore Laín: El aragonés de Panticosa. Colección de Estudios Altoaragoneses, nº 9. Instituto de Estudios Altoaragoneses, 1986.
  2. (es) Artur Quintana i Font: El Aragonés nuclear de Nerín y Sercué (Valle de Vio), Ed. Gara d'Edicions + Institución Fernando el Católico + Diputación de Zaragoza; Zaragoza 2007. p 90. ISBN 978-84-8094-060-3
  3. (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 438.
  4. (an) Paz Ríos Nasarre: Bocabulario d'o Semontano de Balbastro (de Salas Altas y a redolada). Publicazions d'o Consello d'a Fabla Aragonesa, 1997. p 144.
  5. (es) María Pilar Lacasa Carrascosa:El habla de Alcolea de Cinca: breve caracterización lingüística y vocabulario. Archivo de filología aragonesa Nº 66, 2010, pp. 193-216, ISSN 0210-5624
  6. (es) Ana Leiva Vicén:Léxico aragonés de Antillón (Huesca). Análisis lingüístico (II). Alazet: Revista de filología Nº 16, 2004, pp. 67-174, ISSN 0214-7602

Vinclos externos[editar | editar código]