Rosa Sierra

De Biquipedia
Ir a la navegación Ir a la búsqueda
Rosa Sierra
Información personal
Calendata naiximiento: 1944
Puesto naiximiento: Flag of Aragon.svg Balbastro
Esporte: Atletismo
Profesional en: Atleta.
- Récord d'Espanya de 400 metros lisos (1964).
- Récord d'Aragón de 400 metros lisos.

María Rosa Sierra Girón, conoixitia esportivament como Rosa Sierra u Rosita Sierra y naixita de Balbastro en 1944, ye una atleta aragonesa especializata en prebas de velocidat y medio fundo que estió campiona d'Espanya en a preba de 400 metros lisos en a edición de 1964, estando a primera atleta aragonesa en ser campiona d'Espanya en una preba d'atletismo.

Principió a practicar atletismo en Monzón con atras zagalas en a pista d'atletismo de 286 metros de cuerda habilitata en o campo de fútbol de L'Arboleda, os suyos equipes estioron o CA Monzón y CE Universitari o o suyo unique entrenador Ernesto Bribián pioner y gran impulsor d'a practica de l'atletismo en ixa localidat. Rosita, chunto a atras aragonesas como as zaragozanas Blanca Miret y María Luisa Orobia fuoron bellas d'as prencipals figuras d'o retorno de l'atletismo femenín en Aragón y Espanya dimpués d'a prohibición d'a practica esportiva femenina d'o rechimen de Franco. Rosa consiguió un total de siet medallas en os campionatos d'Espanya en os que partecipó, en a edición de 1963 dos medallas una d'archent en 100 metros lisos y unatra de bronze en 200, en a edición de 1964 una d'oro en 400 metros lisos, en 1965 y 1966 medalla archent en cadaguna d'as edicions en 400 m.lisos, y en 1967 y 1968 una medalla de bronze en cada edición tamién en 400 metros lisos. Tamién cal destacar dos victorias en a Cursa Jean Bouin de Barcelona en as edicions de 1965 y 1967.

Compitió con o CA Monzón y o suyo zaguer anyo con a sección d'atletismo d'o CE Universitari de Barcelona, a suya retirada esportiva fue prematura con 26 anyos quan se trasladó ta Barcelona a vivir y no podió compatibilizar os entrenamientos con o treballo. Ye tía d'o atleta olimpico Javier Moracho. [1]

Palmarés[editar | editar código]

Campionatos d'Espanya[2]
  • 100 metros lisos:
    • Tercera en 1963.
  • 200 metros lisos:
    • Subcampiona en 1963.
  • 400 metros lisos:
    • Campiona 1964.
    • Subcampiona en 1965 y 1966.
Cursa Jean Bouin.
  • Ganadora en as edicions de 1965 y 1968

Referencias[editar | editar código]

Vinclos externos[editar | editar código]


Predecesora:
Flag of Catalonia.svg Emilia Trepat
Campiona d'Espanya de 400 metros lisos
1964
Succesora:
Flag of Catalonia.svg Celestina Gómez
Predecesora:
María Lourdes Abalde
Récord d'Espanya de 400 metros lisos
28 de chunio de 1964 - 7 de chulio de 1964
Succesora:
Flag of Catalonia.svg Ana María Gibert
Predecesora:
Flag of Catalonia.svg Ana María Gibert
Récord d'Espanya de 400 metros lisos
16 d'agosto de 1964 - 13 de setiembre de 1964
Succesora:
María Aranzazu Vega