Campionato d'Espanya d'atletismo

De Biquipedia
Ir a la navegación Ir a la búsqueda

O Campionato d'Espanya d'atletismo se refiere a o Campionato d'Espanya d'atletismo de categoría absoluta u senior a l'aire libre, ye una competición esportiva d'atletismo que se'n fa dende l'anyo 1917. As primeras edicions estioron organizatas por as federacions d'atletismo de Guipuzcua y Catalunya, una vegata establita en 1920 a RFEA (Reyal Federación Espanyola d'Atletismo) ye qui l'organiza.

As mullers no tenioron campionato dica l'anyo 1931, que se'n fizo deseparau d'os homes, en 1935 se celebra o zaguer campionato femenín deseparau y as mullers no tornoron a tenir competicions en o Campionato d'Espanya dica l'anyo 1963 por que en primeras a Guerra Civil y dimpués a dictadura d'o Cheneral Franco no deixaban fer esporte a las mullers.

Prebas[editar | editar código]

As prebas que fan parte d'o programa d'os campionatos son as prebas oficials d'a IAAF ta os suyos campionatos. excepto as prebas de marcha atletica en ruta y a maratón que tienen os suyos campionatos historicament deseparaus, os 10.000 metros en pista historicament se'n feba adintro d'o programa d'o Campionato d'Espanya pero dende l'anyo 1996 tamién tién campionato deseparau. En l'actualidad os prebas masculinas y femeninas se'n fan en a mesma calendata y puesto y a o suyo termín se zarran as seleccions d'atletas ta os campionatos internacionals importans d'o verano.