Román Alcalá Pérez

Román Alcalá Pérez
Consellero por a Deputación Provincial de Teruel en a Deputación Cheneral d'Aragón (preautonomico)
21 de mayo de 1979 – 21 de chinero de 1982
President	Juan Antonio Bolea Foradada Gaspar Castellano y de Gastón
Precediu por	Denguno
Succediu por	Denguno
President d'a Deputación Provincial de Teruel
1979 – 1983
Succediu por	Isidoro Esteban Izquierdo
Deputau en as Corz d'Aragón por Teruel
20 de mayo de 1983 – 5 de mayo de 1987
Concellero d'o Concello de Teruel
1979 – 1983
Naiximiento	1944 Teruel
Muerte	17 de setiembre de 2015 Zaragoza
Partiu	Unión de Centro Democrático Partido Aragonés
Conchuche	Julia Prats Solanot
Profesión	Politico

Román Alcalá Pérez (Teruel, 1944 - Zaragoza, 17 de setiembre de 2015) estió un politico aragonés.

Biografía

Naixiu de Teruel yera licenciau en Ciencias Economicas y Comercials, Chestor Administrativo y Diplomau en Dirección d'Interpresas por l'IESE de Barcelona.

Carrera profesional

Dentró a treballar en Ibercaja en l'anyo 1972, a on ocuparía cuantos cargos entre os que destaca a Secretaría d'o Consello d'Administración y d'a suya Comisión Executiva. En l'anyo 1999 fue nombrau director d'a Obra Social y Cultural, estando en o cargo que mientres 10 anyos.

En ista etapa chestionó 30 centros socials en os que treballaban 270 personas, metió en marcha o palacio de Villafermosa de Uesca y l'Ibercaja 'Zentrum' de Zaragoza, que ye l'actual seu d'a Fundación Ibercaja. Tamién remodeló l'actual Museu Goya.

Estió asinas mesmo president d'a Comisión Nacional d'a Obra Social d'as Caixas d'Estalbios d'Espanya.

Carrera politica

Entre atros cargos publicos, Alcalá Pérez desempenyó os de concellero d'os Concellos de Teruel y Linars de Mora, Delegau Provincial d'o Ministerio de Cultura en Teruel, President d'a Deputación Provincial de Teruel, Vocal d'a Comisión de Gubierno y President d'a Comisión de Hicienda d'a Mancomunidat Cheneral de Diputacions Provincials de rechimen común y President d'as Mancomunidaz Turisticas d'o Mayestrato y de Chabalambre.

Estió amás Consellero por a Deputación Provincial de Teruel en os gubiernos preautonomicos d'a Deputación Cheneral d'Aragón de Juan Antonio Bolea Foradada y Gaspar Castellano y de Gastón y Deputado en a I Lechislatura d'as Corz d'Aragón.