Robert Oppenheimer

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Julius Robert Oppenheimer
Información personal
Calendata de naixencia	22 d'abril de 1904
Puesto de naixencia	Nueva York (Estaus Unius.
Calendata de muerte	18 de febrero de 1967
Puesto de muerte	Princeton (Estaus Unius)
Ocupación	Fisico

Julius Robert Oppenheimer (Nueva York, 22 d'abril de 1904 - Princeton, 18 de febrero de 1967) estió un fisico estadounidense y o director scientifico d'o prochecto Manhattan, o esfuerzo entre a Segunda Guerra Mundial ta estar os primers en desembolicar a primera arma nuclear en o Laboratorio Nacional d'os Álamos, en Nuevo Mexico, Estaus Unius.

Coloquialment conoixiu como «o pai d'a bomba atomica» -manimenos comparte ixe merito con o suyo prencipal mentor, Enrico Fermi-, Oppenheimer expresó o suyo penar por a muerte de victimas innocents quan as bombas nucleyars fueron lanzadas contra os chaponeses en Hiroshima y Nagasaki en agosto de 1945. En rematar a guerra, estió o chefe consultor d'a recientment creyada Comisión d'Enerchía Atomica y aproveitó ixa posición ta emparar o control internacional d'armas atomicas y ta oposar-se a la escalada armamentista nucleyar entre los Estaus Unius y a Unión Sovietica. As suyas actitutz provocoron a sobén a ira d'os politicos dica o punto que en 1954 se l'espulló d'o suyo livel de seguranza, perdendo l'acceso a os documentos militars secretos d'o suyo país. Poco a poco a suya capacidat d'influir fue disminuindo, pero continó fendo charradas y treballando en fisica. Diez anyos mas tarde, o President de los Estaus Unius, Lyndon B. Johnson lo condecoró con o Premio Enrico Fermi en una probatina de rehabilitar-lo politicament.

Publicacions d'Oppenheimer

• Science and the Common Understanding (New York: Simon and Schuster, 1954).
• The Open Mind (New York: Simon and Schuster, 1955).
• The flying trapeze: Three crises for physicists (London: Oxford University Press, 1964).
• Uncommon sense (Cambridge, MA: Birkhäuser Boston, 1984). (póstumo)
• Atom and void: Essays on science and community (Princeton, NJ: Princeton University Press, 1989). (póstumo)