Hiroshima

Hiroshima (広島市, 'Hiroshima-shi', en chaponés) ye una ciudat chaponesa en a rechión de Chūgoku y prefectura de Hiroshima, de la que ye a suya capital.

Hiroshima tien una superficie de 905,01 km², una población de 1.157.962 habitants (2006) y una densidat de población de 1.279,5 abs/km².

Contenius

Hiroshima ye situata a canto d'o río Ota y d'a mar interior de Seto.

Hiroshima fue establita en a costa norte d'a mar interior de Seto en 1589 por o sinyor feudal Terumoto Mori, que fació tamién construir un castiello, o castiello d'Hiroshima, en a mayor d'as islas fluvials d'o río Ota, nombre que prenió en os suyos primers tiempos a ciudat. Quan Teremuto Mori fue redotato o 20-21 d'octubre de 1600 en a batalla de Sekigahara por as tropas d'Ieyasu Tokugawa, o primer shogun d'o Chapón, iste li prenió a mayor parte d'os suyos territorios, entre os quals Hiroshima y o suyo castiello, que cedió a Masanori Fukushima.

No esdevenió formalment una ciudat dica a Era Meichi, o día 1 d'abril de 1889. Yera en ixas envueltas una important base naval de l'Armata Imperial chaponesa, con un papel de primer orden mientres a primera guerra chino-chaponesa en 1894-1895, papel que mantenió dica rematar a Segunda Guerra Mundial