Ribosoma

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Subunidat gran d'o ribosoma.
Subunidat chicota d'o ribosoma.

Os ribosomas son complexos macromoleculars de proteínas y acido ribonucleico (ARN) que se troban en o citoplasma, en as mitocondrias, en o reticlo endoplasmatico y en os cloroplastos. Son un complexo molecular encargau de sintetizar proteínas a partir d'a información chenetica que les plega de l'ADN transcrita en forma de ARN mensachero (ARNm). Solament son visibles a o microscopio electronico, a causa d'a suya reducida grandaria (29 nm en celulas procariotas y 32 nm en eucariotas).

En celulas eucariotas, os ribosomas s'elaboran en o nuclio pero realizan a suya función de sintesi en o citosol. Son formaus por ARN ribosomico (ARNr) y por proteínas. Estructuralment, tienen dos subunidaz. En as celulas, istas macromoleculas amaneixen en diferents estaus de disociación. Cuan son completas, pueden estar aisladas u formando grupos (polisomas). As proteínas sintetizadas por os ribosomas actúan prencipalment en o citosol; tamién pueden amaneixer asociaus a o reticlo endoplasmatico rugoso u a la membrana nucleyar, y as proteínas que sintetizan son sobre tot t'a exportación.

Tanto o ARNr como as subunidaz d'os ribosomas se gosan nombrar por o suyo coeficient de sedimentación en unidaz Svedberg. En as celulas eucariotas, os ribosomas d'o citoplasma aconsiguen 80 S. En plastos d'eucariotas, asinas como en procariotas, son 70 S. Os ribosomas mitocondrials son de grandaria variada, entre 55 y 80 S.