Raška

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Raška Рашка
← Sieglo VII — Sieglo XIV →
Situación de Raška
Capital	Stari Ras
Idioma oficial	Serbio
Gubierno	Monarquía
Periodo historico	Edat Meya
• Plegada d'os serbios	Sieglo VII
• Imperio Serbio	1217

Raška estió una entidat territorial d'a Edat Meya creyada por serbios. Bel autor considera que Raška estió o primer estau d'os serbios en o que se puede mirar una identidat politica. Fue creyau por Vladimir en l'anyo 850 y yera centrau en l'actual zona oriental de Montenegro y sud de Serbia, (Sanchac de Novi Pazar), estendillau por as vals d'os ríos Piva, Tara, Lim y Ibar (a grosso modo entre os monts Durmitor y Kopaonink). Inicialment aceptaba a supremacía de Costantinoble, pero dimpués Raška quedó entre a Bulgaria de Simeón I y a Zeta d'o veliki župan Ceslav. Os bulgaros atacoron Raska bella vegada dende l'anyo 863. En l'anyo 927, dimpués d'a muerte de Simeón de Bulgaria o veliki župan Ceslav prenió o control de Raška. En morir Ceslav Costantinoble prenió o control de Raška.

Stefan Nemanja s'asentó en a cadiera reyal en 1168, y en 1185 se declaró independient de Costantinoble. En 1196 abdicó a favor d'o suyo fillo Stefan (conoixiu como Prvovencani u primer coronau), qui en 1217 fue reconoixiu por o Papa Honorio III como "Rei de Serbia, Dalmacia y Bosnia".

Con a dinastía Nemanja reinando dos sieglos mes, Serbia esdevinió un estau poderoso que dominó extensas zonas d'os Balcans occidentals, aproveitando que l'Imperio de Romanya s'esboldregó por culpa d'a Cuatrena Cruzada en 1204.

Bibliografía

• (en) History of Serbia. Articlo tetulau Balcan States en a edición de l'anyo 2007 d'a Enciclopedia Britannica.