Río Sena

De Biquipedia
Ir ta: navego, busca
Iste articlo ye sobre un río de Francia: t'atros usos, se veiga Sena (desambigación).
Río Sena
La Seine
Anvista d'a Sena y de París dende a Torre Eiffel
Anvista d'a Sena y de París dende a Torre Eiffel.
Administración
Estatos Flag of France.svg Francia
Territorios
Cheografía
Longaria 776 km
Altaria d'o naixedero 471 m
Naixedero Source-Seine (Costa d'Oro, Borgonya)
Desembocadura Badía d'a Sena (Canal d'a Manga, Ocián Atlantico)
Hidrolochía
Superficie d'a cuenca 78.650 km²
Cabal meyano 500 m³/s
Mapa
Mapa topografico d'a cuenca hidrolohica d'a Sena
Mapa topografico d'a cuenca hidrolochica d'a Sena.

O río Sena (Seine en francés, sɛn) ye un río francés, con naixedero en Source-Seine (Costa d'Oro, Borgonya), a bells 471 metros d'altaria sobre o ran d'a mar, en a plana de Langres, y que dende o naixedero marcha enta o norueste dica desauguar en a badía d'a Sena (Canal d'a Manga, Ocián Atlantico), entre le Havre (Alta Normandía) y Honfleur (Baixa Normandía), dimpués d'un recorrito de 776 km de longaria. Drena una cuenca hidrolochica d'una superficie de 78.650 km², con un cabal meyano de 500 m³/s, agrupando a suya cuenca alto u baixo a un 30% d'o total d'a población de Francia.

Gosa estar uno d'os mas conoixitos ríos de Francia, en trescruzar a ciudat de París, a capital d'ixe estato. Antiparte, ye un río con quanta presencia en l'arte a traviés d'a pintura.

Etimolochía[editar | editar código]

Tradicionalment se considera que l'orichen d'o toponimo se troba en as luengas celtas, conoixendo-se a latinización feita por Chulio César mientres a Guerra d'as Galias (Sequana) d'un termín celta anterior, que se considera puet estar (I)sicauna, amanato a o nombre d'os secuans, uno d'os pueblos galos de l'este d'a Galia que luitoron contra César (encara que alazetalment n'estioron aliatos).

Afluyents prencipals[editar | editar código]

  • Río Ource, por a marguin dreita, de 100 km de longaria.
  • Río Barse, por a marguin dreita, de 50 km de longaria.
  • Río Aube, por a marguin dreita.
  • Río Noxe (canal de Courtavant), por a marguin dreita, de 34 km.
  • Río Voulzie, por a marguin dreita, de 44 km de longaria.
  • Río Yonne, por a marguin cucha, de 293 km de longaria.
  • Río Loing, por a marguin cucha, de 166 km de longaria.
  • Río Essonne, por a marguin cucha, de 90 km de longaria.
  • Río Orge, por a marguin cucha, de 50 km de longaria.
  • Río Yerres, por a marguin dreita, de 93,5 km de longaria.
  • Río Marne, por a marguin dreita, de 525 km de longaria.
  • Río Bièvre, por a marguin cucha, de 36 km de longaria, que ye o solo afluyent que vierte as suyas aguas en a Sena en a ciudat de París.
  • Río Oise, en a suya marguin dreita, de 302 km de longaria.
  • Río Epte, en a suya marguin dreita, de 100 km de longaria.
  • Río Andelle, en a suya marguin dreita, de 54 km de longaria.
  • Río Eure, en a suya marguin cucha, de 225 km de longaria.
  • Río Risle, en a suya marguin cucha, de 140 km, que desaugua directament en o estuario d'a Sena.

Galería de pinturas sobre a Sena[editar | editar código]

Vinclos externos[editar | editar código]