Río Estarrún

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Estarrún
Cabecera d'o río
Administración
Estaus	{{{estaus}}}
Territorios	Aragón
Cheografía
Longaria	25 km
Altaria d'o naixedero	m
Naixedero	Plans de Napazal (2.060 m)
Desembocadura	Río Aragón (677 m)
Superficie d'a cuenca	km²
Cabal meyano	m³/s
Mapa
O Estarrún en Aragón

O río Estarrún ye un río aragonés afluent de l'Aragón. Discurre por a val d'Aísa, en a comarca de Chacetania (provincia de Uesca).

Descripción

O Estarrún, tien o suyo orichen en a cordelera d'os Pireneus, amán d'o puerto d'Aísa. Dimpués de baixar en dirección norte-sud inclinando-se un poco enta o sudueste, remata desembocando en o río Aragón amán d'Ascara. Apareixe descrito en o sieteno volumen d'o Diccionario geográfico-estadístico-histórico de España y sus posesiones de Ultramar de Pascual Madoz asinas:

ESTARUN: r. d'a prov. de Uesca, part. chud. de Chaca; naixe d'una copiosa fuent en a cord. prencipal d'os Pireneus amán d'o puerto de Aisa, corre de N. ta S. entre os dos estribos que forman a val d'iste nombre, por espacio de 2 leg. dica la v. d'Aisa; astí s'inclina un poco enta o SO., deixa a la suya ezq. o l. d'Esposa, a la suya der. o de Sinues, y sale d'a val banyando as tierras de Sorlim y Ascara, a on desaugua en l'Aragon. Ye fácil de vadiar-se si s'atiende a o cabal d'auguas que leva, pero dificil con relacion a la canal que describe y que forma un barranco quasi siempre tallau; cria muitas y buenas truitas.

(Madoz, 1847, p. 590)

A cabecera d'o río, un trampo de 4,67 km, ye protechida como reserva natural fluvial, dentro d'o Parque Natural d'as Vals Occidentals. Perteneixient a la cuenca hidrografica d'Ebro, as suyas aguas acaban vertidas en a mar Mediterrania.