Quinta Julieta

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Quinta Julieta yera una antiga torre d'entretenedera situada en Zaragoza a lo costau d'a Canal Imperial d'Aragón.

Historia

A zaguers d'o sieglo XIX l'incheniero Enrique Sagols Ferrer construyió una torre d'entretenedera que contaba con dos lacos artificials, pagodas chinas, espelungas artificials y abundant vechetación. Anyadas dimpués a torre estió ubierta a lo publico. Una barca (clamada "Santa Cecilia") en forma de cisne trayeba a los vesitans per a canal dende l'aturada de tramvía de Torrero. Posteriorment pasó a perteneixer a los chesuitas. En 1958 se construyió una "Casa d'Eixercicios Espirituals" per l'arquitecto Santiago Lagunas. En 1981 se construyió un poblau pa realoxar a los chitans que viviban en chabolas en diversas partes de Zaragoza. 140 familias (850 personas) estioron a vivir astí. Lo poblau teneba las siguients carreras: Baena, Buen Debel, Buena Madre, Pascual Portolés Dihinx, Quinta Julieta, Sol Naciente, Mohenjo D'aro y la plaza Drom Lachó. A causa d'estar un foco de delinqüencia y reparto de drogas amás de numerosas queixas per parti d'os vecins d'o cercano barrio de Torrero-La Paz o poblau chitán estió esboldregau a zaguers d'os 1980.

Datos: Q54825631