Qin Shi Huang

De Biquipedia
Ir a la navegación Ir a la búsqueda
Gold piece.png
Iste articlo u sección ha menester d'un wikificato con un formato adecuato a lo manual d'estilo de Biquipedia.
Por favor, edita-lo ta cumplir con ellas. No borres iste aviso dica que no l'haigas feito. Colabora wikificando!
Articlo d'os 1000
Qin Shi Huang
始皇帝 (Shǐ Huángdì), en aragonés "primer emperador", inscripción en siello de 220 aC

Qin Shi Huang ('Qin, o primer emperador') (en chinés: 秦始皇, pinyin: Qín Shǐ Huáng, Wade-Giles: Ch'in Shih-huang; tamién transcrito antes mas como Tsin Chi Hoang) (259 aC - 210 aC) estió o fundador d'a dinastía Qin (秦朝), rei d'o estau chinés de Qin (reino) en os tiempos d'os reinos combatients (246 aC-221 aC)[1] y primer emperador d'a China unificada dende 221 aC dica a suya muerte en 210 aC.[1][2] O suyo nombre de chóven yera Zheng.

Con 13 anyadas heredó o reino de Qin y a con a edat de 39 anyos (221 aC) ya heba conquiesto y unificau, por primera vegada en a historia, os quantos reinos combatients en un unico imperio. En que remató a conquiesta, enchegó muitas reformas economicas y politicas con aduya d'o suyo consellero Li Si.[1] Unificó os sistemas de mesura y peso, estandarizó os carácters emplegaus en a escritura, redistribuyó as tierras entre os labradors y fació grans treslaus de población ta privar rebueltas. A la finitiva remató con o sistema feudal anterior y creyó as bases d'o sistema imperial que rechiría a China por mas de 2.000 anyos.

T'asegurar a estabilidat, Qin Shi Huang vedó o Confucianismo, fació enterrecar vivos a quantos intelectuals.[2] Se vedó toz os libros fueras d'os oficialment homologaus y se cremoron en o que se conoix como a gran purga Confuciana. A suya fegura ye controvertida, pero a tamas d'a tiranía d'o suyo gubierno, Qin Shi Huang ye considerau como un presonache alazetal.

Emprenió prochectos chigants como a primera Gran Muralla, a construción d'a suya fuesa, o hue famoso Mausoleu d'o Primer Emperador Qin guardau por un exercito de guerrers de terracota u un gran sistema nacional de camins. O esfuerzo preciso ta tantas reformas y obras, en que se perdioron asabelas vidas, fació que o pueblo se revolbese contra ell, fendo rematar a dinastía Qin en cayer él, y encetando-se una nueva dinastía, a d'os Han.

L'exercito de guerrers de terracota enterrecau en Xian

Referencias[editar | editar código]

  1. 1,0 1,1 1,2 Duiker, William J. Spielvogel, Jackson J. Edition: 5, illustrated. (2006). World History: Volume I: To 1800. Thomson Higher Education publishing. ISBN 0-495-05053-9, 9780495050537. pg 78.
  2. 2,0 2,1 Ren, Changhong. Wu, Jingyu. (2000). Rise and Fall of Qin Dynasty. Asiapac Books Pte Ltd. ISBN 981-229-172-5, 9789812291721.