Pulgaret

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Pulgaret
Pulgaret
Información cheneral
Autor	Charles Perrault
Chenero literario	Cuento
Subchenero	Fadas
Versión orichinal en francés
Títol orichinal	Le Petit Poucet
País	Francia
Calendata de publicación	1679
Versión en alemán
Títol	Daumesdick
Autor	Chirmans Grimm
País	Alemanya
Calendata de publicación	1812
Versión en anglés
Títol	Tom Thumb
País	Reino Uniu

Pulgaret (en francés Le Petit Poucet) ye un cuento de fadas escrito por Charles Perrault en 1697 a partir de leyendas populars que tenioron un gran exito. Narra as aventuras de Pulgaret, un nino tan chicot como un pulgar.

Os chirmans Grimm publicoron en 1812 una version d'iste cuento (en alemán Daumesdick), precursora d'os cuentos de fadas angleses ditos Tom Thumb.

A historia

Un matrimonio muit pobre decide albandonar a os suyos siet fillos en a selva porque no pueden mantener-los. O mas chicot, dito Pulgaret por a suya mida, troba o camín de tornada porque ha iu deixando migas de pan como rastro. Os pais tornan a intentar perder a os suyos fillos, mirando que Pulgaret no pueda ideyar garra cosa y marchan. Os ninos plegan ta una casa muit gran y demandan aduya. A muller les avisa que ye casada con un ogro que se los puet minchar pero éls se i quedan igualment.

De nueiz, os siet chirmans duermen en una cama graniza. Pulgaret veye que l'ogro tien siet fillos, que duermen con as suyas coronas en o tozuelo, y las prene ta dar-se-las a os suyos chirmans. Cuan l'ogro entra de nueit ta minchar-se a os chirmans, como ye fosco y no se i veye, troba os tozuelos sin corona d'os suyos fillos y se los mincha, respectando a os ninos que levan coronas. Tanimientres, Pulgaret y os suyos chirmans aproveitan ta fuyir.

Encarranyau, l'ogro se mete as botas de siet leguas, as mas rapidas d'o mundo, y marcha ta escar a os chirmans. Manimenos s'atura una mica ta descansar y s'aduerme. Pulgaret aproveita ta furtar-le as botas y torna a casa de l'ogro, a on le diz a la muller que han secuestrau a o suyo mariu y que amenista un rescate. O mesmo ogro, afirma, le ha deixau as suyas botas como prueba de que ye verdat lo que comenta. A muller le creye y le da una gran fortuna, que Pulgaret entrega a os suyos pais ta que toz puedan vivir goyosos.

Vinclos externos

• Se veigan as imáchens de Commons sobre Pulgaret.
• (de) Versión d'os Grimm
• (fr) Versión de Perrault