Puent de l'Almozara
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Puent de l'Almozara | |
|---|---|
_-_panoramio.jpg) Puent de l'Almozara | |
| Situación cheografica | |
| Estau | |
| País | |
| ' | |
| Situación |  Zaragoza, Aragón
|
| Adreza | |
| Coordenatas | |
| Archidiocesi | |
| Diocesi | |
| Arcipestrau | |
| Advocación | |
| Culto | |
| Orden | |
| Rector | |
| Vicario parroquial | |
| 2.º Vicario parroquial | |
| Mosen | |
| Propietario | |
| Administrador | |
| Director | |
| Coste | {{{coste}}} |
| Visitable | |
| Altaria | |
| Pisos | |
| Amplaria | |
| Largaria | |
| Superficie | |
| Diametro | |
| Aforo | |
| Altaria s.l.m. | |
| Atras | |
| Alcance | |
| Iluminación | |
| Potencia | |
| Arquitectura | |
| Tipo | Puent |
| Estilo | |
| Función | |
| Catalogación | |
| Materials | |
| Construcción | |
| Construcción | Sieglo XIX-Sieglo XX |
| Fundador | |
| Inicio | |
| Fin | |
| Inauguración | 1870 (ferroviario) 1987 (carretero) |
| Destrucción | |
| Arquitecto | |
| Incheniero estructural | Javier Manterola Armisén |
| Incheniero de servicios | |
| Incheniero civil | |
| Atros | |
| Premios | |
| Pachina web | |
| Localización | |
O puent de l'Almozara ye un puent sobre o río Ebro en a ciudat de Zaragoza. Va dende a plaza d'Europa, en o barrio de l'Almozara enta a carrera Val de Broto de l'ACTUR.
Fue enguerau en 1870 pa permitir a interconexión d'as linias de ferrocarril que arribaban ta a ciudat. Dimpués d'una intensa vida, que incluyó cuantas remodelacions por inundacions, enamplacions y danyos por l'uso fue reconvertiu en un puent piatonal y carretero. Hue en día ye un d'os prencipales pasos sobre o río d'a ciudat, estando un punto clau d'o trafico en as riberas de l'Ebro.
En a suya dentrada dende a plaza Europa se sitúa a obra Cierzo, d'o escultor Andreu Alfaro mientres que en o extremo opuesto bi ha una locomotora cedida por Industrias López Soriano en remeranza d'a función orichinal d'o puent.
Historia
[editar | modificar o codigo]Orichens ferroviarios
[editar | modificar o codigo].jpg)
Construito en primerías pa o paso d'o ferrocarril por a ciudad aragonesa, se prochectó pa conectar os trachectos Madrit-Zaragoza y Zaragoza-Barcelona y asinas permitir una comunicación dreita sin transbordos entre Madrit y Barcelona. A multiples concesions ferroviarias en Espanya heban deixau ixe trachecto dividiu entre a Companyía d'os Ferrocarrils de Madrit ta Zaragoza y Alicant, que teneba o trachecto de Madrit ta Zaragoza con cabecera en a centrica gara de Campo Sepulcro (dende 1863), y a Companyía d'os Camins de Fierro d'o Norte d'Espanya, que heba construito a suya propia terminal en a gara d'o Norte pa a suya concesión Zaragoza-Barcelona en 1861.[1] Os dos ferrocarrils yeran incomunicaus entre sí, de forma que os viachers que quereban fer a rota completa heban de trescruzar a ciudad en dilichencias, en unos intercambios que dica 1885 no yeran cubiertos por o ret tramviario.
A situación empenta a o gubierno a licitar o prochecto d'un puente que permita a comunicación dreita en 1869. Por un coste de 3.000.000 de reyals, a empresa belga Coil resulta adchudicataria.[1] Se tractaba, como yera habitual por ixas envueltas, d'un puent d'estructura metalica composau por una celosía de 340 metros de largaria refirmada en nueu puntos.[2] Os ueito trampos en que se dividía o tablero yeran a ueito metros d'altaria sobre o río, refirmaus en dobles celindros de metal de 2,5 metros de diametro que a la vegada descansaban sobre una fabrica de formigón.[3] Una vía unica s'asentaba sobre dito tablero. D'alcuerdo a o contrato, fue inaugurau en 1870 con o cruce d'un convoy cargau con grava.[1]
Nomás una anyada dimpués se fació evident o baixo periodo de retorno con que fue disenyau, ya que as inundacions de 1871 causoron problemas en actuar o puent como un obstaclo a o fluxo. A situación d'alarma arribó a o punto d'haber-se d'apuntar con canyons d'a guarnición d' castiello de l'Alchafaría a la estructura con fin de volar-la si a situación empioraba y gosaba menazar a ciudat.[1] Encara que sin repetir-se tal periglo, se i producioron problemas parellanos con as inundacions de 1874 y 1878.
Con a fin de solucionar o problema definitivament, o puente fue reformau en 1879 puyando-se o tablero pa prevenir que isto tornara a pasar. Se reyalizó a obra recreixindo os pilars pa puyar o suyo extremo superior, deixando una caracteristica vista con as dos altarias visibles.
Servicio y declive ferroviario
[editar | modificar o codigo]O puent sufrió a detonación d'una bomba en o tercer d'os suyos pilars en 1932, danyando a estructura. Pa apanyar-lo y permitir restaurar a circulación ferroviaria s'encargó a Agromán, que yera reyalizando obras de consolidación en a basilica d'o Pilar, que restaurara o puent si bien o estau d'a estructura continaba sin estar l'optimo.[2] Estudios estructurals posteriors atribuyoron as causas a danyos en os pilars debius a las inundaciones de 1930.[4]
Istos problemas estructurals continos y o cada vegada mayor peso d'as locomotoras de vapor facioron que se reconstruise en 1947. O nuevo prochecto, a cargo de nuevo d'Agromán fue obra d'o reputau incheniero Eduardo Torroja.[1][2] Planteyaba enamplar a tres os tablers, encara que a la fin se construyion unicament dos nuevos, deixando o puente anterior en o espacio a on yera previsto o tercero. Con a enamplación, o puent pasó a tener doble vía.
Uso pa trafico rodau
[editar | modificar o codigo].jpg)
Dimpués de completar-se a circunvalación ferroviaria con l'apertura en 1968 d'o puent de Miraflors por o sud deixoron de circular trens en 1976. O puent permaneixió alavez cuantos anyos en desuso dica 1986, cuando fue reformau por Javier Manterola Armisén, estando atra vegada enamplau y ubierto a o tráfico rodau baixo l'alcaldía d'Antonio González Triviño o 30 de setiembre de 1987 [5] pa dar solución a una ciudat en creiximiento que s'había expandiu por a marguin ezquierda de l'Ebro con o Plan ACTUR. En a marguin ezquierda de l'Ebro, a carrera Val de Broto ganó con a inauguración importancia, en perchudicio d'a rota dreita por avenida Sant Chuan d'a Penya a traviés d'o centro. S'enmarca asinas en o intento de aleixar o trafico d'o Casco Historico[6]
As caracteristicas bovedas de plastico d'o centro d'o puent se disenyoron pa contener as tuberías que subministran augua y atros servicios a o nuevo barrio d'a marguin ezquierda. En 2009 se reformó eliminando as dita bovedas estando substituidas por un bulevar piatonal con carril bici por o centro d'o puent.
Referencias
[editar | modificar o codigo]- ↑ 1,0 1,1 1,2 1,3 1,4 (es) "150 años de ferrocarril en Zaragoza", Luis Lezáun Martínez de Ubago, 2011, ISBN 978-84-694-7062-6
- ↑ 2,0 2,1 2,2 (es) Los puentes sobre el río Ebro en Zaragoza (III). Isabel Yeste. La Calle, Federación de Asociaciones de Barrios de Zaragoza. Chunio de 2008
- ↑ (es) "Aquí Zaragoza III". Blas de Ijazo
- ↑ {es}} La conquista de la margen izquierda del Ebro: Puentes en Zaragoza en el siglo XX. Isabel Yeste. Artigrama, 2000. Pach. 145-163. ISSN 0213-1498
- ↑ (es) Pachina web d'o Concello de Zaragoza con breus resenyas historicas sobre os puents d'a ciudat
- ↑ (es) Treballo d'a Universidat Politecnica de Catalunya sobre o transporte en Zaragoza, se veigan as pachinas 47-48
Enlace externo
[editar | modificar o codigo]
Se veigan as imáchens de Commons sobre o puent de l'Almozara.
| Control d'autoridaz |
|
|---|
Datos: Q9064460- Multimedia: Puente de la Almozara / Q9064460