Tillo

De Biquipedia
Ir a la navegación Ir a la búsqueda

O tillo ye una mezcla preparata de buro con palla, aserraduras y ascletas de madera que s'emplegaba ta litada en os tellatos y lenatos tradicionals de l'Alto Aragón, ta meter-be las lenastras dencima y dar-les-be basamiento ta que no s'eslizasen, estando-be por tanto la capa inmediatament inferior a éstas. O tillo se depostiaba en alto d'o taranato de lastons u en as tolas de canyizo que l'aguantaban sobre os costalers d'a bastida.

A reducción d'o numer de lenatos tradicionals (sostituitos per altras formas de cubierta que pesan menos) y l'emplego actual de cimento en as pocas construccions y restauracions de cubiertas de lenastras que se fan actualment fan que cada dia se conixca menos este material. O tillo encara se puede veyer en muitos edificios abandonatos y estorrocatos.

Se veiga tamién[editar | editar código]