Politeísmo

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000
Procesión d'os dioses en o sarcofago de Prometeu, c. 240 aC, en o Museu d'o Louvre.

O politeísmo (d'o griego poly + theoi: muitos dioses) ye a creyencia de que bi ha muitos dioses, u divinidatz. Ye una forma de relichión que reconoixe diversas divinidaz, alto u baixo independients entre ellas.[1] O termin fue inventato por Filón d'Aleixandría en o sieglo I, si bien designa una realidat muito mas antiga, y ye l'oposato a o monoteísmo.

A gran mayoría d'as relichions son politeístas, encara que o total de creyents d'as tres grans relichions monoteístas, as que dicen que nomás bi ha un Dios, actualment supera o numero de fiels d'istas. As divinidaz politeístas gosan tener un vinclo muit dreito con a naturaleza, as actividaz d'a vida cotidiana u os ciclos vitals (por un regular as divinidaz relacionatas con a muerte, o mas allá u os muertos tienen una gran relevancia), que contrastan con a dimensión eminentment transcendent d'o monoteísmo.[1]

A propagación d'o concepto apareixe antis d'a existencia d'as relichions monoteístas. De feito, as relichions antigas tenioron un component muit politico, y existioron grans panteons de deidaz asociatas con as tradicions de cada puesto. A mayoría de relichions antigas yeran politeístas, y teneban panteyons de dioses tradicionals, a sobén acumulatos mientres sieglos d'intercambeyos culturals y d'experiencias. As relichions politeístas actuals encluyen o hinduismo, o xintoísmo, bellas formas de wicca (una relichión neo-pagana establita por Gerald Gardner en 1930), o vudú, y l'asatrú. O budismo, o hinduismo, y bellas relichions neo-paganas son politeístas en a mida en que se tracta d'una filosofía teolochica de referencia d'un miembro. Bels estudiosos chodigos y islamicos veyen a doctrina cristiana d'a trinidat relacionata con o politeísmo, un concepto que os cristianos, por un regular, refusan enerchicament; o mesmo s'escayece en relación con os diferents santos d'o Cristianismo.

Cuan se creye en diversos dioses pero un d'éls destaca por dencima d'a resta, se parla d'enoteísmo. Bels cultos enoteístas rematoron estando monoteístas con o paso d'o tiempo. Os dioses principals de cada panteyón gosaban estar emparentatos.

Se veiga tamién[editar | modificar o codigo]

Referencias[editar | modificar o codigo]