Wicca
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
A wicca ye una relichión neopagana. Pretende estar a l'egual que l'ásatrú y o neodruidismo, tamién relichions neopaganas, una recuperación d'antigas tradicions paganas d'Europa existents antis d'a plegata y imposición d'o cristianismo. A wicca ye una nueva relichión, un estilo de vida que ye basato más en a tradición esoterica y machica occidental que en as relichions de l'antigüedat, y tien cierta vinclación con movimientos New Age.[1]
Orichens[editar | modificar o codigo]
A wicca s'orichina en Anglaterra, mui probablement por l'ocultista Gerald Gardner, en os anyos quaranta.
O gubierno d'os Estaus Unius reconoixe a la Wicca como una relichión y en o manual de l'exercito norteamericán s'ha incluito a sección U.S. Army Instructions for Chaplains on Wicca (Instruccions de l'exercito d'os Estaus Unius ta capellans acerca de Wicca), que contién una descripción detallata d'a relichión así como d'as consideracions especificas que han de tener d'iste grupo relichioso.
Creyencias principals[editar | modificar o codigo]
A wicca s'inspira en a mitolochía d'ambitos celta, sumerio, echipcio, romano, griego, etc. y, a nivel cerimonial, en as practicas d'a machia ritual y natural, anque hue en día cada grupo o presona adapta a mitolochía que conoixe y respeta os rituals.
Ye basata en o culto a dos grans divinidatz complementarias, concebitas preferentment como un Dios y una Diosa. Istos Dioses complementarios pueden estar identificatos con dioses analogos de diferents panteons d'alcuerdo a lo suyo chenero respectivo seguntes o gusto o tendencia ritualista d'o grupo. O Dios y a Diosa se complementan y forman un tot.