Plevia acida

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Efectos de la plevia acida en una selva de la Republica Checa

La plevia acida se forma cuan la humidat en l'aire se combina con l'oxido de nitrocheno y lo dioxido d'ixufre emesos por fabricas, centrals electricas y vehiclos que creman carbón u productos derivatos de lo petrolio. En interacción con la vapor d'augua, estos gases forman acido sulfurico y acido nitrico. A la fin, estas sustancias quimicas cayen a la tierra acompanyando a las precipitacions, constituindo la plevia acida.

Los contaminants atmosfericos primarios que orichinan la plevia acida pueden recorrer grans distancias, los vientos los trasladan cientos u mils de kilometros enantes de precipitar en forma d'agualera, rosada, plevia, piedra, nieu u boira. Cuan la precipitación se produce, puet malmeter muito lo medio ambient. La plevia acida se considera un impacto ambiental d'escala rechional.

La plevia normal por un regular presenta un pH de d'alto u baixo 5.65 (un poquet acido) por lo CO2 atmosferico, que forma acido carbonico, H2CO3. Se considera plevia acida si presenta un pH de menos de 5 e puet plegar a lo pH de lo vinagre (pH 3). Estos valors de pH s'alcanzan por la presencia d'acidos fuertes como l'acido sulfurico, H2SO4, y l'acido nitrico, HNO3. Estos acidos se forman a partir de lo dioxido d'ixufre, SO2, y lo monoxido de nitrocheno, que reaccionan con l'augua y forman acidos.

Los hidrocarburos y lo carbón usatos como fuent d'enerchía, en grans cantidaz, pueden tamién producir oxidos d'ixufre y nitrocheno.