Plaza d'os Herois de Budapest

De Biquipedia
Ir ta: navego, busca
Coa Hungary Town Budapest big.svg
Zaragoza street enseigne top.svg
Zaragoza enseigne tl.svg
Zaragoza enseigne tr.svg
Plaza d'os Herois
Heroes Square Budapest 2010 01.jpg
Ciudat Budapest
Carreras Avenita Andrássy
Forma d'a plaza Semicerclo
Andrassy Avenue (Budapest).png

Zaragoza enseigne bl.svg
Zaragoza enseigne br.svg

A Plaza d'os Herois (en hongaro "Hősök tere") ye una d'as plazas prencipals d'a ciudat de Budapest en Hongría y tien unas importants connotacions historicas y politicas. O Memorial d'o Milenio, un gran complexo d'estatuas, estió rematato en 1900, o mesmo anyo que se le dió a la plaza o nombre d'os "Herois" ta conmemorar o milenio d'historia d'o país. Se troba situata a o final de l'Avenita Andrássy (chunto a la que fa parti d'o Patrimonio d'a Humanidat), y chunto a o Parque d'a Ciudat.

A plaza[editar | editar código]

O Metro de Budapest ye o segundo sistema de metro mas antigo d'o mundo. En a imachen se veye o final d'un túnel baixo a Plaza d'os Herois en 1896

A plaza d'os Herois ye rodiata por dos importants edificios, o Museu d'Artes Politas a la cucha u o Palacio de l'Arte a la dreita. En l'atro canto d'a plaza se troban dos edificios situatos ya en l'Avenita Andrássy — uno ye un edificio residencial y l'atro ye a embaixata de Serbia (antiga embaixata de Yugoslavia, a on o politico comunista y primer menistro Imre Nagy se refuchió mientres as revueltas de 1956).

En a parti central d'a plaza d'os Herois se troba un d'os molimentos mas conoixitos de Budapest, o Memorial d'o Milenio (tamién conoixito como Molimento d'o Milenio u Molimento Milenario) a on se representan estatuas d'os líders d'as siet tribus que fundoron Hongría en o sieglo IX y d'atras feguras importants en a historia d'o país. A construcción d'o memorial prencipió quan se yera celebrando o milenario d'a fundación d'Hongría (en 1896), pero no remató dica 1900 y estió alavez quan se dió nombre a la plaza.

Quan se construyó o molimento, Hongría feba parti d'o Imperio Austro-hongaro y por ixo os zaguers cinco huecos ta estatuas situatos en a parti cucha fuoron reservatos ta miembros d'os Habsburgo, a dinastia reinant. De cucha ta dreita istos yeran: Ferrando I d'o Sacro Imperio Román Chermanico (relieve: Esfensa d'o castiello d'Eger); Leopoldo I (relieve: Euchenio de Savoya redotando a os turcos en Zenta), Carlos III, María Tresa (relieve: O lema d'o rechimen hongaro "vitam et sanguinem") y Francisco Chusé (relieve: Francisco Chusé coronato por Gyula Andrássy). O molimento fue danyato en a Segunda Guerra Mundial reconstruyito, estando sustituitas as estatuas d'os Habsburgo por as actuals.

O 16 de chunio de 1989 una moltitut de 250.000 personas se reunió en a plaza arredol d'a sepoltura de Imre Nagy, que fue amortato en chunio de 1958.

Tamién existe una gara d'o metro en a linea amariella M1 (Millennium Underground) d'o Metro de Budapest.

Bi ha atras tres plazas en a ciudat de Budapest que se dicen tamién Hősök tere, en Soroksár, Békásmegyer y Rákosliget.

Baixo un cenotafio y aintro d'una cadena de bronze decorativa bi ha una placa de broze que marco o puesto a on se trobaba un pozo artesián que fue drenato totalment en 1878 por Vilmos Zsigmondy. Iste pozo soministraba augua a o Balneyario Széchenyi que se troba chusto dezaga d'o molimento y a os Banyos Dagály [1] en a carrera Népfürdő. O pozo teneba una fondaria de 971 metros y produciba 831 litros d'augua calient por menuto a una temperatura de 74º.

Existe una replica d'a plaza d'os Herois feita a un 90% d'a suya grandaria orichinal en o Shanghai Global Paradise en Xangai, China. Dende que s'ubrió en 1996, se ha ito degradando y muitas d'as suyas estatuas s'han quitato.[2]

Referencias[editar | editar código]