Imre Nagy

Imre Nagy
Primer menistro d'Hongría
4 de chulio de 1953 – 18 d'abril de 1955
Precediu por	Mátyás Rákosi
Succediu por	András Hegedűs
Primer menistro d'Hongría
24 d'octubre de 1956 – 4 de noviembre de 1956
Precediu por	András Hegedűs
Succediu por	János Kádár
Menistro de l'Interior d'Hongría
1945 – 1946
Primer menistro	Zoltán Tildy
Precediu por	Ferenc Erdei
Succediu por	László Rajk
Menistro d'Asuntos Foranos d'Hongría
2 de noviembre de 1956 – 4 de noviembre de 1956
Primer menistro	Imre Nagy
Precediu por	Imre Horváth
Succediu por	Imre Horváth
Naiximiento	7 de chunio de 1896 Kaposvár (Imperio Austro-hongaro, hue Hongría)
Muerte	16 de chunio de 1958 Budapest (Republica popular d'Hongría, hue Hongría)
Partiu	Partito Comunista d'Hongría Partito d'os Treballadors d'Hongría
Conchuche	Mária Égető
Profesión	Politico y economista

Imre Nagy (ˈimrɛ ˈnɒɟ en hongaro), naixito de Kaposvár (Imperio Austro-hongaro, hue Hongría) o 7 de chunio de 1896 y executato en Budapest (Republica popular d'Hongría, hue Hongría) o 16 de chunio de 1958, estió un politico y economista hongaro melitant d'o Partito Comunista d'Hongría y d'o suyo succesor o Partito d'os Treballadors d'Hongría, que estió menistro en bells gubiernos hongaros en rematar a Segunda Guerra Mundial en os alazetz d'a Republica popular d'Hongría. En 1953, mientres a desestalinización, Imre Nagy esdevenió Primer menistro d'Hongría, introducindo en a economía d'o país importants reformas economicas, que se considera que estioron as que en un futuro inspiroron a lo checoslovaco Alexander Dubček. En 1954 heba perdito o refirme d'a Unión Sovietica por as presions d'os elementos menos innovadors d'o propio comunismo hongaro y fue sustituyito por András Hegedűs.

En 1956, quan s'intensificó a desestalinización, apareixioron disturbios en quantos países d'o Pacto de Varsovia, que en Hongría estioron a dita Sublevación de Budapest, y Nagy tornó a estar Primer Menistro d'o país, clamato por os dirichents comunitas ta mirar de frenar a situación. Sindembargo, Imre Nagy formó un Gubierno multipartidista y fació publica a intención de fer en o esdevenidero d'Hongría una democracia parlamentaria; o 31 d'octubre de 1956 anunció l'albandono d'o Pacto de Varsovia y l'1 de noviembre proclamó a neutralidat hongara entre os dos bloques en a Guerra Fría. En ixas condicions, János Kádár, enemigo politico de Nagy, organizó un golpe d'estato con l'aduya d'a Unión Sovietica y o 4 de noviembre as tropas de l'Exercito Royo dentroron en o país, prencipiando luitas contra chicotz grupos de civils y melitars hongaros. Nagy se refuchió en a embaixada de Yugoslavia dica o 22 de noviembre, quan Kádár li aseguró que no tendría problemas en tornar a Hongría. Quan albandonó a embaixada yugoslava fue detenito por a KGB y deportato a Rumanía dica o suyo chuicio, en 1958, que remató con a suya execución.

Vinclos externos

• Se veigan as imachens de Commons sobre Imre Nagy.