Perdices con cols a l'aragonesa
| Perdices con cols a l'aragonesa | |
|---|---|
| Cocina: |  Gastronomía d'Aragón
|
| Se mincha en: | Aragón
|
| Ingredient principal: | perdices |
| Ingredient principal: | cols |
| Ingredients: | 3 perdices 200 gr tocineta 500 gr. lomo de ternera 250 gr. azanorias 250 gr. cebollas 1 vaso vin blanco 2 cols 250 gr. pernil Caldo pebre Nuez moscada Clau d'especia Sal Huerbas aromaticas |
| Preparación: | con redetiu, ternera, azanorias y cols |
As perdices con cols a l'aragonesa son una receta de cocina propia d'a gastronomía d'Aragón en a que l'ingredient prencipal son as perdices, cocinadas con redetiu, lomo de ternera, azanorias y cols.[1]
Se tracta d'una receta a on os suyos ingredients prencipals se troban presents dende bien antigo en a gastronomía aragonesa: as perdices han estau dende siempre obchecto de caza en o territorio aragonés y las cols tienen o suyo orichen en amplas parts d'Europa pero mas que mas en as rechions mediterranias y ya heban estau obchecto de cautivo en l'Antigo Echipto y en l'Antiga Grecia a lo menos dende lo 2500 aC, estendillando-se posteriorment lo suyo cautivo por toda Europa dica convertir-se en un d'os productos prencipals d'as huertas europeas.
Preparación
[editar | modificar o codigo]Cal limpiar y embrandar as perdices, que dimpués cal rebutir con a tocineta, bels granos de pebre y un sinyalín de nuez moscada. En una cazuela, se coloca una chulla de tocineta baixo de cada perdiz y una atra chulla dencima, s'ahdhibe la ternera trinchada y toz os atros ingredients a excepción d'as cols, as restas de tocineta, lo pernil y lo caldo.
As cols se bullen alto u baixo 2 miniutos en augua salada y s'escurruchan bien, colocando-se dimpués sobre las perdices chunto con as restas de tocineta y lo pernil eschulloniaus, regando-lo tot dimpués con o caldo. Se dixa cocer con a cazuela tapada a fuego baixo alto u baixo dos horas.
Servir
[editar | modificar o codigo]En rematar a cocción, se colocan as cols en baixo d'una fuent con as perdices dencima arrodiadas d'as chullas de pernil y d'a tocineta. Os atros ingresients se pican y se colocan sobre d'a fuent antis de colocar as perdices. A salsa que quede se dixa reducir y posteriorment se riega con ella las perdices.
Referencias
[editar | modificar o codigo]- ↑ (es) Manuel Martínez Llopis y Luis Irizar: La cocina de las aves de caza, Alianza Editorial, Madrit, 1996. ISBN 84-206-9471-1, p 81.
Bibliografía
[editar | modificar o codigo]- (es) Manuel Martínez Llopis y Luis Irizar: La cocina de las aves de caza, Alianza Editorial, Madrit, 1996. ISBN 84-206-9471-1, p 81.