Parque Nacional d'a Selva de Bohemia
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Parque Nacional d'a Selva de Bohemia | |
 Laco Plešné | |
| Tipo | Parque Nacional |
| Establiu | 20 de marzo de 1991 |
| Superficie | 680.64 km² |
| Situación |  Republica Checa
|
| Latitut | |
| Lonchitut | |
_-_location_map.svg) En verde fosco o parque nacional | |
O Parque Nacional d'a Selva de Bohemia (en checo Národní park Šumava)[1] ye un parque nacional situau en a rechión de Bohemia Meridional en a Republica Checha chunto a la muga con Alemanya (a on bi ha una chicota parti adchacent d'o Parque Nacional d'a Selva Bavara) y Austria. Proteche una chicota zona desabitada d'a sierra d'o mesmo nombre, Šumava u Selva de Bohemia. Dende 1990 ye declarau como reserva d'a biosfera por a UNESCO.[2]
O macizo d'a Selva de Bohemia (en checo Šumava) ye cubierto por a selva mas ampla d'Europa Central, encara que a suya composición natural fue cambeada y actualment as plantacions de Picea abies son mayoritarias en toda l'aria. En muitos puestos se plantoron variedaz no nativas d'abez. Istos no s'han adaptau bien a o clima y condicions locals y por tanto son sensibles a o mal orache, como os vientos cerenyos (por eixemplo en a decada de 1980 u recientment en primerías de 2007), u a os escolitins (Ips typographus). A-saber-las amplas planas con paúls, lacos glaciars y restos de selvas primarias (por eixemplo Boubín) completan un mosaico d'habitats que nomás son trencaus por bels lugarons que perteneixeban mas que mas a habitants de parla alemana que'n estioron forachitaus dimpués d'a Segunda Guerra Mundial, deixando l'aria como parti d'a zona desertica chunto a la muga d'o Bloque de l'Este.Dende a decada de 1970 bi ha habiu una población estable de gato cerval europeu.
Orichinalment, se declaró a protección d'una gran aria que cubriba cuasi toda a Selva de Bavera o 27 d'aviento de 1963. O 20 de marzo de 1991 a parti mas valiosa d'ista zona protechida se declaró parque nacional, quedando a resta como zona de buffer.
Referencias[editar | modificar o codigo]
- ↑ (en) Pánek, Tomáš and Jan Hradecký, Landscapes and Landforms of the Czech Republic, Switzerland: Springer, 2016, p. 3.
- ↑ (en) http://www.jiznicechy.org/en/index.php?path=prir/npsumava.htm
Se veiga tamién[editar | modificar o codigo]
Vinclos externos[editar | modificar o codigo]
Se veigan as imáchens de Commons sobre o Parque Nacional d'a Selva de Bohemia.- (en) www.npsumava.cz. Pachina web oficial.
