Parque Nacional Reyal
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Parque Nacional Reyal | |
 Placha de South Era | |
| Tipo | Parque Nacional |
| Establiu | 26 d'abril de 1879 |
| Superficie | 150,91 km² |
| Situación |  Australia
|
| Latitut | |
| Lonchitut | |
  | |
O Parque Nacional Reyal (en anglés Royal National Park) ye un parque nacional situau en Australia, concretament en a redolada d'a ciudat de Sydney, en Nueva Galas d'o Sud.
O parque fue establiu por Sir John Robertson, por ixas envueltas primer ministro de Nueva Galas d'o Sud, o 26 d'abril de 1879, lo que lo fa o segundo parque nacional mas antigo d'o mundo por dezaga d'o Parque Nacional de Yellowstone, en os Estaus Unius. Iste zaguero en realidat no fue creyau orichinalment como parque nacional sino como aria recreyacional, por o que podría decir-se que o Parque Reyal Nacional ye o primero d'a historia. O suyo nombre orichinal estió The National Park (literalment "O Parque Nacional"), encara que se rebaptizó en 1955 en hornor d'a reina d'Australia Isabel II, que lo trescruzó ta plegar dica Wollongong, mientres a suya vesita a Australia en 1954. O parque no fue adhibiu a la lista de Patrimonio Nacional dica aviento de 2006.
Caracteristicas[editar | modificar o codigo]
En o parque son situaus os lugars d'Audley, Maianbar y Bundeena. Tamién bi heba una linia de ferrocarril, a City Rail Illawarra, que se zarró en 1991. O Sydney Tramway Museum mantiene una parti d'a linia por a que circula o tramvía.
A Audley se puet acceder por carretera y bi ha quantas garas en os arredols d'o parque. A Bundeena y Maianbar se puet plegar igualment por carretera u por ferry dende Cronulla. L'acceso por carretera tamién ye posible dende o sud d'Otford, amán de Stanwell Park.
En o parque existen muitas rotas de senderismo, asinas como puntos de picnic y barbacoa. O ciclismo de montanya ye permitiu en os senders. Bi ha aparcamientos de vehiclos chusto en l'interior d'o parque. Ta poder circular con l'auto en o parque cal bosar un peache de 11$.
Un d'os trampos mas populars ye o que recorre a costa. Ta iste trayecto s'amenistan dos chornadas, o primer día de Bundeena enta North Era. O segundo día enta Otford, a on que bi ha una gara. Ista excursión se fa a sobén como parti d'o Duke of Edinburgh's Award.
Grans incendios forestals en 1994 destruyoron gran parti d'o parque, pero as zonas afectadas fuoron rehabilitadas.
Bi ha puestos ta fer camping en Bundeena y North Era. Istos son os unicos puestos a on se permite acampar en o parque previa reserva.
Vinclos externos[editar | modificar o codigo]
- (en) Pachina oficial