Ir al contenido

Parlamento autonomico

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un parlamento autonomico o asamblea lechislativa ye a cambra de representación lechislativa de cadaguna d'as comunidaz autonomas d'Espanya. Son resultau d'o desembolique d'o Titol VIII d'a Constitución Espanyola de 1978 que regula l'organización territorial de l'estau espanyol.

Cada parlamento autonomico está formau por os representants trigaus a las eleccions autonomicas que tienen sitio en cada comunidat conchuntament con as eleccions municipals (fueras d'aquellas “rechions historicas” que han accediu a l'autonomía a traviés de l'articlo 143). Como organo lechislativo autonomo, elabora leis autonomicas. Caso que afecten a atras comunidaz u a l'estau central, istas se pueden tramitar d'una forma indirecta a las Corz Chenerals, como proposición de lei.

Os estatutos d'autonomía, regulaus por a Constitución, estableixen que competencias son propias de cada Comunidat Autonoma, y son o maximo cuerpo normativo pa as rechions correspondients. Asinas, as comunidaz tienen competencias sobre arias d'educación, sanidat, etc. Sindembargo, bi ha atros sectors que son de competencia exclusiva de l'Estau. Asinas, por eixemplo, l'administración periferica de l'estau regula os aeropuertos o puertos, convivindo con l'administración autonomica. Encara que ixo puede cambiar con l'aprebación d'os nuevos estatutos d'autonomía.

Sistema electoral autonomico[editar | modificar o codigo]

As eleccions autonomicas se realizan por meyo de sufrachio universal, libre, igual, directo y secreto, y siguen un sistema electoral proporcional correchiu, como o Congreso d'os Deputaus, y tracta d'asegurar a representación d'as diferents zonas d'o territorio d'a comunidat autonoma.

Os Estatutos autonomicos o atras leis autonomicas han establiu a formula D'Hondt pa atribuir as cadieras y han establiu a barrera electoral minima, variant de comunidat a comunidat.

Ciudaz autonomas[editar | modificar o codigo]

Totas as comunidaz autonomas tienen o suyo propio parlamento, sacau as ciudaz autonomas de Ceuta y Melilla, dando por feito que no son comunidaz autonomas por bien que desfrutan d'un estatus sui generis. En 1995 se va aprebar a las Corz Chenerals (parlamento) un estatuto especifico, que encara que no les concede capacidat lechislativa (prencipal diferencia con as Comunidaz Autonomas), si que les permite proposar en as Cortes as iniciativas lechislativas que consideren oportunas.

Parlamento por comunidat autonoma[editar | modificar o codigo]

Comunidat autonoma Parlamento autonomico Nº deputaus
Andalucía Parlamento d'Andalucía 109
Aragón Corz d'Aragón 67
Prencipau d'Asturias Chunta Cheneral d'o Prencipau d'Asturias 45
Islas Balears Parlamento d'as Islas Balears 59
Islas Canarias Parlamento de Canarias 60
Cantabria Parlamento de Cantabria 35
Castiella-La Mancha Corz de Castiella-La Mancha 33
Castiella y Leyón Corz de Castiella y Leyón 84
Catalunya Parlamento de Catalunya 135
Comunidat Valenciana Corz Valencianas 99
Extremadura Asamblea d'Extremadura 65
Galicia Parlamento de Galicia 75
Comunidat de Madrit Asamblea de Madrit 129
Rechión de Murcia Asamblea Rechional de Murcia 45
Navarra Parlamento de Navarra 50
País Basco Parlamento Basco 75
La Rioja Parlamento de La Rioja 33

Veyer tamién[editar | modificar o codigo]

Vinclos externos[editar | modificar o codigo]

Sitios web oficials d'os parlamentos autonomicos: