Pallaruelo de Monclús

De Biquipedia
Ir a la navegación Ir a la búsqueda
Iste articlo tracta sobre Pallaruelo de Monclús. Ta altros emplegos d'o toponimo «Pallaruelo» se veiga Pallaruelo (desambigación), y ta «Monclús» se veiga Monclús (desambigación).
Pallaruelo de Monclús
Municipio desapareixito d'Aragón
Entidat
 • País
 • Provincia
 • Comarca
Municipio desapareixito
Flag of Aragon.svg Aragón
Flag of Huesca (province).svg Uesca
Sobrarbe
Población
 • Total

134 hab. (1842)
Altaria 1140 m.
Distancia
 • 114 km

enta Uesca
Coordenatas 42°22’12’’N 0°18’36’’E
Pallaruelo de Monclús en Aragón
Pallaruelo de Monclús
Pallaruelo de Monclús
Situación de Pallaruelo de Monclús en Aragón

Pallaruelo de Monclús (en castellano y oficialment «Pallaruelo de Boltaña»[1]) yera un municipio historico d'Aragón y un toponimo popular con o que encara a part de huei se gosa referir colectivament a os nuclios que en van estar parte. Se o puede documentar dende o primer censo muderno de 1842 dica a suya absorción en o vecino municipio de Moriello de Monclús en o censo de 1857.[1] Se desconoix si existió bell nuclio que se decise propiament «Pallaruelo de Monclús» como ta haber-le dau nombre a o municipio, pus as suyas enrunas no mos han gosau arribar a l'actualidat, pero ye prou probable.

O municipio de Pallaruelo de Monclús o formaban os qualques lugars y pardinas que se troban en as dos baixants d'a redol d'o Campanué, en a muga d'entre as actuals comarcas d'a Ribagorza y d'o Sobrarbe. Por a part ribagorzana, en feba parte dos pardinas: a Chantigosa y Rolespé, vincladas con os nuclios d'a baixant occidental dica o punto de pasar a fer parte d'un municipio de conchunta. Por a man fovana, a Torre, Solaniella y a Villa, con a predominancia demografica en o municipio, en chunto con as pardinas de Cotón y o Lenero. Absolutament totz siete nuclios se troban despoblaus en l'actualidat.

En a Fueva, encara en l'actualidat ye prou común que se refieran a o conchunto de os ditos siete lugars como «O Pallaruelo de Monclús» u simplament «O Pallaruelo»; expresions con as que no se gosan referir sólo que a's asentamientos deshabitaus sino tamién a o mont y as propiedatz forestals de a redolada. Como en o caso d'o vecino termin municipal de Moriello de Monclús, l'apelativo «de Monclús» dimana d'una posible pertinenza a la baronía de Monclús, en tiempos historicos más pasaus, y no pas por estar amanau de o lugar desapareixiu de Monclús, que yera en a val d'a Cinca a man de Mediano. L'apellido oficial «de Boltaña» tiene explicación más difícil, pus a redolada de Pallaruelo dista más de 25 kilometros (por as carreteras actuals!) de a villa de a val de l'Ara, y probablement no faiga referencia si que a la pertinencia a o partido chudicial de Boltanya.

Os atros municipios absorvidos en a Fueva[editar | editar código]

Referencias[editar | editar código]