Otago Central

De Biquipedia
Ir a la navegación Ir a la búsqueda
Alexandra, tipica localidat d'Otago Central

Otago Central (en anglés Central Otago) ye una denominación informal ta a zona interior d'a rechión d'Otago, en a Isla d'o Sud de Nueva Zelanda. L'aria conoixida comunment como Otago Central encluye tanto o districto d'Otago Central como o districto de Queenstown-Lacos situau a l'ueste d'o primero. A embotada d'ista rechión ye "A World of Difference" (en anglés "Un mundo d'esferencia").[1]

L'aria ye dominada por sierras montanyosas y o curso alto d'o río Clutha y os suyos afluyents. L'ampla plana de Maniototo, que se troba entre a compleganza alta d'o río Taieri y a d'o Manuherikia, afluyent por o norte d'o Clutha, tamién ye a sobén considerada como parti d'Otago Central.

Caracterizada por tener hiviernos fredos y veranos calients y ixutos, ye una zona ye muit poco poblada, encara que bi ha habiu recientment un considerable desenvolique arredols d'as localidatz toristicas de Queenstown y Wanaka. A primera ocupación europea important plegó con o descubrimiento d'oro en Gabriel's Gully amán de Lawrence en 1861, feito que encetó a fiebre de l'oro d'Otago Central. Atras localidatz d'a zona son Albert Town, Alexandra, Arrowtown, Bannockburn, Clyde, Cromwell, Hawea, Millers Flat, Naseby, Omakau, Ranfurly, Roxburgh, St. Bathans y Wedderburn.

Dende o sieglo XIX a prencipal actividad economica d'a zona ha estau centrada en o ganau ovino, o cautivo de fruita y o torismo. En os zaguers anyos as granchas de ciervos y os vinyals han incrementau a diversificación economica d'a rechión. Recientment as variedatz d'uga riesling y pinot noir, adaptadas a os climas fredos, han estau consideradas como especialment apropiadas ta ista rechión y s'aspera que os vins d'a rechión d'Otago Central amilloren más en o futuro con l'aparición de nuevas y mayors plantacions. Otago Central ye a rechión vinicola comercial situada mas a o sud d'o mundo.

Referencias[editar | editar código]

  1. (en) "Central Otago NZ website". iSite Visitor Information Centre. http://www.centralotagonz.com.