Wanaka

De Biquipedia
Ir a la navegación Ir a la búsqueda
Wanaka
Wānaka
Localidat de Nueva Zelanda
Morning view, Wanaka.jpg
Boca de día en Wanaka
Estato
 • Rechión
 • Districto
Flag of New Zealand.svg Nueva Zelanda
Otago
Queenstown-Lacos
Población
 • Total

7.850 hab. (2016)
Altaria 290 m.
Coordenatas
44°42′″S 169°09′09″E
Wanaka en Nueva Zelanda
Wanaka
Wanaka
Situación de Wanaka en Nueva Zelanda

Wanaka (prenunciau en anglés /ˈwɒnəkə/, en maorí Wānaka) ye una localidat d'a rechión d'Otago en a Isla d'o Sud de Nueva Zelanda. Ye situada en o estremo sud d'o laco Wanaka, en o naiximiento d'o río Clutha. Ye a dentrada a o Parque Nacional d'o Mont Aspiring.

Wanaka ye popular como destín de vacanzas tanto d'hibierno como de verano. A suya economía se basa en as muitas actividatz esportivas a l'aire libre que ofreixe. A localidat fue establida mientres a fiebre de l'oro en o sieglo XIX. Igual que a resta d'o districto de Queenstown-Lacos, o suyo creiximiento ha estau rapedo, con una puyada d'a población d'un 50% entre 2005 y 2015.

Historia[editar | editar código]

O primer europeu en ista zona estió Nathaniel Chalmers, qui fue guidau por o chefe Reko enta istas tierras en 1853. O conoiximiento maorí d'a rechión se puet evidenciar con o esbozo d'un mapa d'a zona feito por o chefe Te Huruhuru y que se puet trobar en Waimate.[1]

O primer asentamiento europeu prencipia a chestar-se en l'alta val d'o río Clutha en a decada de 1850, con o establimiento de bordas ta uellas. As primeras bordas se troban en Albert Town, l'unico puesto a on os colonos pudioron trescruzar o río Clutha. O primer rechistro de l'actual localidat de Wanaka data de 1863,[1] y l'asentamiento creixió en Pembroke (antigo nombre de Wanaka) mientres a decada de 1870 debiu a la expleitación de fusta en a val de Matukituki y l'uso d'o laco Wanaka ta o suyo transporte. O turismo en a localdat prencipió en 1867, quan Theodore Russell enguera o primer hotel. Wanaka se convirtió ascape en un destín toristico muit popular debiu a o suyo clima continental y l'acceso fácil a la nieu y l'augua.[2] Ya en l'anyo 1940 Pembroke ye renombrau como Wanaka.[1]

Cheografía[editar | editar código]

A localidat de Wanaka ye situada en o estremo sud d'o laco Wanaka. Ye rodiada por monts. A 120 km enta o sudueste ye o Crown Range y a ciudat de Queenstown; enta o norte o paso de Haast trescruza os Alpes d'o Sud amán de Makarora. En dirección noreste se troban as localidatz d'Omarama y Twizel. Muit amán d'o laco Wanaka ye o laco Hāwea, en una val glacial paralela, a on s'ha desenvolicau recientment un asentamiento d'alto u baixo 1.500 personas. A o sud d'a localidat continan os Alpes d'o Sud. A badía de Glendhu Bay ye amán d'a localidat, en o camín que s'endreza enta a val d'o río Matukituki y que da acceso a o Parque Nacional d'o Mont Aspiring.

O centro d'a localidat se troba en una tierra plana chunto a la badía de Roy. Partis d'a localidat s'han expandiu enta os tozals que rodian o centro y arredol d'a Roy en as dos direccions. L'aria situada a o canto d'o laco ye propensa a inundacions en primavera quan pleve a-saber-lo y a nieu se deschela, causando a puyada d'o libel de l'augua. Una inundación important olcurrió en noviembre de 1999.[3][4]

Se veiga tamién[editar | editar código]

Referencias[editar | editar código]

  1. 1,0 1,1 1,2 (en) "Wanaka Early History". Lake Wanaka Visitor Information Centre. http://www.lakewanaka.co.nz/index.cfm/Info_Centre/Visitor_Info/Early_History. Retrieved 2007-03-24. 
  2. (en) Historia de Wanaka
  3. (en) Enhancing flood forecasts. Richard Ibbitt & Ross Woods
  4. (en) Información sobre as inundacions

Vinclos externos[editar | editar código]