Ortosa

Ortosa

Caracteristicas chenerals
Categoría:	Minerals tectosilicato
Clase:	9.FA.30 (Strunz)
Formula quimica:	K Al Si₃O₈
Propiedatz fisicas
Color:	Incolora-Blanca y atras colors por impurezas (amariella, verde, rosa, grisa).
Raya:	Blanca
Lustre:	Vitrio
Transparencia:	Transparent, translucido
Sistema cristalín:	Monoclinico
Habito:	Prismas curtos, granulosa, elongato
Macla:	Si
Trencadura:	Irregular
Dureza:	6
Tenacidat:	Dura pero granulosa
Densidat:	2,56 g/cm³

A ortosa^[1] ye un mineral d'a clase 9 (silicatos), subgrupo tectosilicatos, y adintro d'ellos perteneixe a os feldespatos, seguntes a clasificación de Strunz. Con formula quimica KAlSi₃O₈, ye uno d'os minerals formadors de rocas mes abundants en a crosta terrestre.

En o Pireneu axial se troba a ortosa como formador de rocas graniticas, y en arias a on bi ha porfido granitico se'n troba en forma de cristals individuals. Bbi ha chacimientos con cristals d'una mida prou gran en a Val de Benás y a Val de Barrabés. En Grist se troba ortosa en una pedrera d'a on se quitaba roca pa fer un entibo. En o granito porfidico que bi ha entre l'Aneto y Vallhibierma bi ha ortosa bien visible. En Estet tamién bi ha ortosa. En a Val de Tena bi ha ortosa en os porfidos de Vachimanya y d'o Puerto de Casteret)^[2]

En o Sistema Iberico ye mes escasa. Ye posible de trobar-ne en as rocas volcanicas entre Fuent Buena y Lueixma.

Referencias

↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
↑ (es) Josefina Besteiro, Miguel Calvo, Andrés Pocoví, Emilia Sevillano: Minerales de Aragón. Mira Editores S.A, 1988. p 113-114