Orden d'o Hespital

De Biquipedia
(Reendrezau dende Orden d'o Espital)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Orden d'o Hespital

Escudo d'a Orden d'o Hespital
Información cheneral
Nombre oficial Sobirana Orden Militar y Hespitalera de Sant Chuan de Cherusalem, de Rodas y de Malta
Activa 1098 - Actualidat
Fidelidat Santa Seu
Tipo Orden de caballería catolica
Comandants
Gran Mayestre Matthew Festing
Insignias
Simbolo
d'identificación
Cultura y historia
Embotada Tuitio Fidei et Obsequium Pauperum
Patrón Sant Chuan Baptista

A Orden de Sant Chuan de Cherusalem (tamién conoixita como Orden de Sant Chuan d'o Hespital de Cherusalem, Orden d'os Chirmans Hespitalers u Orden de Malta) se fundó con unas fins beneficas pa convertir-se dimpués en un cuerpo armato a lo estilo templer con gran fama por os feitos d'armas en os que participoron.

Os hespitalers en Tierra Santa[editar | modificar o codigo]

L'orichen d'esta orden de caballería se remontan a l'anyo 1084 cuan uns mercaders d'a ciudat d'Amalfi, en o reino de Nápols, decidioron fundar un hespital pa pelegrins a lo costato d'a ilesia d'o Santo Sepulcre de Cherusalem, baixo l'advocación de Sant Chuan Baptista. Este templo yera tan a man que la chent clamó a la orden como Orden de Sant Chuan d'o Hespital de Cherusalem.

Dimpués que os cruzatos conquerisen a Ciudat Santa en 1099, o primer mayestre d'a orden, o provenzal Gerard de Sant Geniés, que os documentos citan como fundador y como prior, decidioron d'extender a obra por Palestina, Siria y mesmo Europa, con un rosario d'Hespitals en a rota de pelegrinache ta Tierra Santa.

A primera seu que tenioron yera en Cherusalem, fendo-sen dimpués cargo en 1142 de lo impresionant Castiello de lo Crac de los Caballers y en facioron una fortaleza inexpugnable. Dimpués la caita de Cherusalem en mans de Saladín en 1187 (en la que morió lo Gran Mayestre de la orden), pasó ta Sant Chuan d'Acre, on construyen un gran hespital.

Os hespitalers en Rodas[editar | modificar o codigo]

Una vegata los cristianos fuoron forachitatos de Tierra Santa (1291), os hespitalers pasoron ta lo reino de Chipre y d'allí ta la isla de Rodas, que conquerioron en 1310. La orden, dita alavez de Sant Chuan de Cherusalem y Rodas, se convertió en una potencia naval en la mar Mediterrania. Con los hespitalers, Rodas se convertió en una fortaleza inexpugnable que resistió cinco setios durismos. Un munebregán castellano d'Amposta se convertió en Gran Mayestre en o sieglo XIV: Johan Ferrández d'Heredia, y en as Cronicas d'os Chudeces de Teruel dicen que yera un Mayestre de Rodas.

Lo zaguer setio de Rodas, en 1522, mandato por Solimán lo Magnifico, duraría seis meses. A la fin, la orden ha de capitular y albandonar la isla.

Os hespitalers en Malta[editar | modificar o codigo]

Dimpués la expulsión, s'establioron por breu tiempo en Sicilia, dica que en 1530, o Rei Carlos I d'Espanya, con lo beneplacito de lo papa Climent VII lis donó Malta, y por ixo tamién se claman a Orden de Malta. A mes de Malta lis cedió las islas de Gozo, Comino y Tripoli. En 1565 defendioron Malta heroicament d'una invasión otomana. Permaneixioron en Malta dica que l'exercito de Napoleón los venció.

Primers hespitalers en Aragón[editar | modificar o codigo]

Dimpués d'a derrota final de Alifonso I Lo Batallero en Fraga, y vinient muerte, en o testamento suyo os hespitalers i feguran chunto con os templers y atros como hereders d'o reino, o cual permeterá l'establimiento d'a orden en o centro y sud d'Aragón.

Remón Belenguer IV creyó en Amposta un priorato independient d'o priorato de Sant Chil de Provenza, que yera de qui dependeban dica l'inte os hespitalers catalans. Este priorato se deciba Castellanía d'Amposta y en dependerán con o tiempo a mas gran part d'as comandas y bailías d'a Corona d'Aragón.

Se veiga tamién[editar | modificar o codigo]