Operación Galgo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Operación Galgo ye una operación d'a Guardia Civil realizada en Espanya contra o dopache esportivo centrada prencipalment en l'atletismo. A operación prencipió en abril de 2010 y o suyo termín estió o 22 de marzo de 2012.

A operación prencipió en abril pero dica o 9 d'aviento de 2010 no se conoció a operación cuan se facioron os primers rechistros en Alicant, Madrit, Segovia, Las Palmas y Palencia, con 14 detencions.^[1] As detencions mas importants estioron as de l'atleta Marta Domínguez, o suyo entrenador César Pérez y o suyo representant José Alonso Valero, Manuel Pascua entrenador de atletismo, José Luis Pascua Piqueras chermano de l'anterior, Alberto León Herranz: ex ciclista de mountain bike, Alberto García Fernández, atleta, Eufemiano Fuentes: medico esportivo y chinecologo embolicado de contino en tramas de dopache y imputau en l'anyo 2006 en a Operación Puerto.

L'atleta Alemayehu Bezabeh, campión europeu de campo a traviesa de 2009, no partecipó en o campionato de 2010 por a suya implicación en a trama de dopache.^[2]^[3] O diya 10 de chinero troboron a o ex-ciclista Alberto León muerto de suicidio en a suya casa.^[4] En o mes de marzo de 2011 l'atleta Alemayehu Bezabeh estió absuelto de tentativa de dopache por o Comité de Competición d'a RFEA,^[5] dimpués o CSD (Comité Superior de Deportes) presentó un recurso contra ista resolución y una vegata revisau o caso fue sancionau con dos anyatas sin competir y una multa de 3.000 euros.

O 22 de marzo de 2012 estió o termín d'o proceso dando nulidat a as prebas presentadas.^[6]

Prencipals personaches detenius

Eufemiano Fuentes: medico embolicau de contino en dopache, y tamién implicau en a Operación Puerto.
Manuel Pascua Piqueras: entrenador d'atletismo de Alemayehu Bezabeh.
José Luis Pascua Piqueras: chermano de Manuel Pascua.
Alberto León: ex-ciclista de mountain bike trobau muerto de suicidio en a suya casa o diya 10 de chinero dimpués d'a suya imputación en a operación.
Marta Domínguez: atleta y vicepresidenta d'a RFEA. Dimpués d'a suya implicación ye relevada d'o suyo cargo en a RFEA.
César Pérez: entrenador de Marta Domínguez.
José Alonso Valero: mánager d'atletismo y de Marta Domínguez.

Vinclos externos

(es) Noticia en o diario esportivo Marca.

Referencias

↑ (es) Noticia en o diario esportivo Sport.
↑ (en) Bezabeh and Fernández pull out of Euro Cross as Spanish doping probe continues
↑ (es) Una de las bolsas de sangre es de Bezabeh, en o diario Marca.
↑ (es) Aparece ahorcado Alberto León, implicado en la Operación Galgo, noticia en o diario esportivo Marca.
↑ El CSD recurre el polémico Caso Bezabeh.
↑ (es) El juez confirma la nulidad de las escuchas y registros de la "Operación Galgo".

Datos: Q3064591

[1] (es) Noticia en o diario esportivo Sport.

[2] (en) Bezabeh and Fernández pull out of Euro Cross as Spanish doping probe continues

[3] (es) Una de las bolsas de sangre es de Bezabeh, en o diario Marca.

[4] (es) Aparece ahorcado Alberto León, implicado en la Operación Galgo, noticia en o diario esportivo Marca.

[5] El CSD recurre el polémico Caso Bezabeh.

[6] (es) El juez confirma la nulidad de las escuchas y registros de la "Operación Galgo".

[1]

[2]

[3]

[4]

[5]

[6]