Palencia

	Palencia
	Municipio de Castiella y Leyón
	; Seu de Sant Antolín en Palencia.
Entidat; • Estau; • Comunidat; • Provincia; • Comarca	Municipio; Espanya; Castiella y Leyón; Palencia; Tierra de Campos
Superficie	94,95 km²
Población; • Total	; 76 331 hab. (2013)
Altaria; • Meyana	; 749 m.
Alcalde	Alfonso Polanco
Codigo postal	34001–34006
Río	río Carrión
Coordenadas	42° 1’ 0’’N 4°31’59’’U
	Palencia Palencia en Castiella y Leyón
	Web oficial

Iste articlo ye sobre un municipio castellanoleyonés d'a provincia de Palencia d'a cuel en ye la capital; ta atros usos, se veiga Palencia (desambigación)

Palencia ye un municipio con categoría de ciudat en a comunidat autonoma castellanoleyonesa, capital d'a provincia d'o mesmo nombre, situada en a comarca de Tierra de Campos a lo canto d'o río Carrión.

A suya población ye de 82.286 habitants (2007) en una superficie de 94,95 km².

Historia

Ya existiba en a II Edat d'o Fierro con o nombre de Pallantia, una d'as ciudaz d'os antigos vacceus.

Toponimia

En una versión d'a "Cronica de Sant Chuan d'a Penya" s'escribe Palentia, talment latinizau:

Et avidas aquestas dos vitorias tornose de Castilla, destruyendo los ayudadores del compte don Pedro e prendie algunos dellos e fuyendo con la reyna en Tormón cerca Palentia se entraron, e tornose para Aragón. Et porque el compte don Pedro yva ya

O toponimo romance Palencia se remonta facilment a una forma Pallantia, que ye documentada en tiempos d'os romanos (y os pueblos prerromanos) en territorio d'os antigos vacceus. Tamién i heba atra Pallantia, (l'actual Palenzuela) en o territorio d'os arevacos, pueblo que en o suyo orichen podió estar una branca occidental d'os vacceus (a l'igual que Arghill en Escocia provién de Ore-Ghaedil "gaels de l'este", are-vaco podría tener una segmentación pareixita).

O toponimo prerromano Pallantia se puet interpretar dende o indoeuropeu, pero pa bel autor ye un toponimo anterior a la entrada d'os celtas (toponimo sorotaptico) u a la formación d'as luengas celtas. Pa belatros representaría un toponimo celta anterior a la fixación d'a regla fonetica consistent en a perduga d'a P- inicial indoeuropea. Este problema d'interpretación ye o mesmo que o problema d'a clasificación de l'antiga luenga lusitanica prerromana.

Cheografía

A ciudat de Palencia se troba situada a 749 metros d'altaria sobre lo livel d'a mar, a lo canto d'o río Carrión.

Demografía

Evolución demografica

1992	1994	1996	1997	1998	1999	2000	2001	2002
-	-	-	-	-	-	-	-	80.801

2003	2004	2005	2006	2007	2008	2009	2010	2011
-	-	-	-	82.286	-	-	-	-

2021	2022	2023	2024	2025	2026	2027	2028	-
-	76.302	-	-	-	-	-	-	-

1990- : población de dreito.
Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Alcaldes

Lista d'alcaldes
Lechislatura	Nombre	Partiu politico
1979–1983	Francisco Jambrina Sastre	Unión de Centro Democrático
1983–1987	Francisco Jambrina Sastre	Alianza Popular
1987–1991	Antonio Encinas Losada	Alianza Popular
1991–1995	Heliodoro Gallego Cuesta	Partido Socialista Obrero Español
1995–1999	Marcelo de Manuel Mortera	Partido Popular
1999–2003	Heliodoro Gallego Cuesta	Partido Socialista Obrero Español
2003–2007	Heliodoro Gallego Cuesta	Partido Socialista Obrero Español
2007–2011	Heliodoro Gallego Cuesta	Partido Socialista Obrero Español
2011–2015	Alfonso Polanco Rebolleda	Partido Popular
2015–2019	Alfonso Polanco Rebolleda	Partido Popular
2019–2023	Mario Simón Martín	Ciudadanos - Partido de la Ciudadanía
2023–2027	Miriam Andrés Prieto^[1]	Partido Socialista Obrero Español