Nestor (cómic)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Nestor | |
|---|---|
 Nestor con Bianca Castafiore | |
Información personal
| |
| Residencia: | Moulinsart |
| Ocupación: | Mayordombre |
Personache de cómic
| |
| Cómic: | As aventuras de Tintín |
| Debuixant: | Hergé |
| Anyo: | 1943 |
Nestor ye un personache de ficción d'a serie de cómic As aventuras de Tintín, d'o escritor belga Hergé. Ye o mayordombre d'o castiello de Moulinsart.
Nestor ye o prototipo de mayordombre d'a sociedat francesa. Noble, leyal y siempre atento sirvient domestico, Nestor sirve a o suyo sinyor, o capitán Haddock y a toz os atros huespedes d'o castiello como Tintín, o Profesor Tornasol u Bianca Castafiore.
Historia
[editar | modificar o codigo]Nestor apareixe por primera vegada en Le Secret de La Licorne. En ista historieta, ye o fiel mayordombre d'os chirmans Loiseau, propietarios orichinals d'o castiellod de Moulinsart y villanos de l'aventura. Tintín ha estau raptau por Maxime y G. Loiseau y embrosquilau en a bodega. Cuan Tintín s'eslampa y mira de contactar con os suyos amigos a traviés d'o telefono d'a casa, Nestor dentra en a cambra y le pregunta qui ye. Bi ha alavez una baralla, en a que Nestor permaneixe fiel a os suyos sinyors. A la fin d'a historieta cuan os chirmans Loiseau son presos por as suyas actividaz, Nestor queda libre de cualsiquier delito. Todas as prebas apuntan a os chirmans Loiseau y amuestran que Nestor no conoixeba as suyas actividaz, mientres que Tintin y Haddock afirman que no puet estar chuzgau por o suyo anterior treballo.
Nestor contina estando o mayordombre de Moulinsart cuan o capitán Haddock reclama a propiedat, ya que Haddock considera a Nestor como parti d'ella. Dende alavez contina estando un personache recurrent en todas as historietas posteriors de Tintín, sirviendo leyalment a os suyos amigos Haddock y Tintín.
En As choyas d'a Castafiore, ye amostrau como o estereotipo de racista sospeitoso d'os chitans, mientres que en Tintin et les Picaros se le veye bebendo o whisky d'o suyo sinyor y ascuitando dezaga d'a puerta a Tintín y Haddock. En contraste, dimpués de que a vesita d'o prencipe Abdullah en Coke en stock l'haiga feito perder peso, Nestor piensa que a vesita ha estau un poco dificil pa él.
Nestor cuasi nunca no albandona as dependencias d'o castiello. Ixo no significa que no faiga parti d'as aventuras de Tintin. Tan pronto como l'aventura dentra a o castiello, como en As choyas d'a Castafiore, Nestor s'embreca en o mistero tanto como os suyos atros amigos.
Adaptacions
[editar | modificar o codigo]Nestor apareixe en a cinta The Adventures of Tintin: The Secret of the Unicorn como mayordombre de Sakharine. Se l'amuestra como de buen corazón y mesmo aduya secretament a Tintín dando-le una pista sobre que contiene a maqueta d'o barco. Tamién se veye que no ye guaire contento con o suyo sinyor, ya que diz que Sakharine no le paga. En rematar a cinta se converte en o mayordombre de Haddock.
