Bianca Castafiore

De Biquipedia
Ir a la navegación Ir a la búsqueda
Bianca Castafiore
Bianca Castafiore
Bianca Castafiore
Información personal
Ocupación: Cantatriz
Personache de cómic
Cómic: As aventuras de Tintín
Debuixant: Hergé
Anyo: 1939

Bianca Castafiore u simplament A Castafiore ye un personache de ficción d'a serie de cómics As aventuras de Tintín, creyada por o dibuixant belga Hergé. Ye l'unico personache destacau femenín, pero a sobén no sale guaire bien parada en os guions d'Hergé, estando manimenos un d'os personaches mas recurrents.

Bianca Castafiore ye una cantatriz d'opera italiana conoixida internacionalment como O Reisenyor milanés. A Castafiore viacha acompanyada d'a suya secretaria Irma y d'o suyo pianista Igor Wagner. Por un regular, qui son a o suyo costau, mas que mas o Capitán Haddock, no aprecian as qualidatz d'o suyo canto, feito que a ella pareixe importar-le igual. Bianca Castafiore pareixe estar inamorada platonicament d'o Capitán Haddock, encara que nunca no consigue pronunciar bien o suyo nombre (Harrock, Karpock, Kodak...).

Biografia de ficción[editar | editar código]

A Castafiore apareixe por primera vegada en Le Sceptre d'Ottokar, y tamién ye en Les Sept Boules de cristal, L'Affaire Tournesol, Coke en stock, As choyas d'a Castafiore y Tintin et les Picaros, y apareixiría en Tintin et l'Alph-Art, álbum no rematau por o suyo autor. Encara que pareixe estar una d'es cantaires d'opera mas importants d'a suya cheneración, nomás se le veye cantar bells versos de l'aria d'as choyas, de Fausto. Quan ye de chira se fa acompanyar d'o suyo pianista, Igor Wagner y d'a suya cambrera, Irma.

Bibliografía[editar | editar código]