MuseumsQuartier
O Museumsquartier (abreviadura MQ) ye un complexo cultural situato en Viena, Austria. Con 60.000 m² ye o ueiteno espacio cultural mas gran d'o mundo. Se troba situato en o sieteno districto d'a ciudat.
En o Museumsquartier se troban edificios tanto d'arquitectura barroca como moderna. S'emplego un gran espacio que heba estato o puesto a on se trobaban os establos d'a cort. A obra prencipió en abril de 1998 y duró tres anyos. O coste total estió de 150 millons d'euros, estando inaugurato en chunio de 2001.
En o MQ bi ha una ampla gama d'instalacions, dende gran museus d'arte como o Leopold Museum y o MUMOK (Museum Moderner Kunst Stiftung Ludwig Wien, en alemán Museu d'Arte Moderno d'a Fundación Ludwig de Viena), espacios d'exhibición temporal d'arte contemporanio como o Kunsthalle Wien, un centro de danza -o Tanzquartier-, estudeos ta artistas residents y estudeos de producción. Astí se celebran tamién eventos tan importants como o Wiener Festwochen (festival cultural de Viena), o Festival Internacional de Cine de Viena, u o ImPulsTanz Vienna International Dance Festival.
Controversia[editar | modificar o codigo]
Dimpués d'a inauguración se comprobó que os edificios no yeran accesibles ta personas en siella de ruedas. Os medios de comunicación denuncioron que edificios que heban costato tantos diners no tenensen as suyas instalacions paratas ta istos ciudadans. Amás, bi habió protestas de agrupacions de discapacitatos. Debito a istas protestas se reformoron os edificios ta fer-los accesibles.
Vinclos externos[editar | modificar o codigo]
Se veigan as imachens de Commons sobre MuseumsQuartier.
