Muhammad ibn al-Hach

De Biquipedia
Ir a la navegación Ir a la búsqueda
Al-Muqtadir
Wali de Balansiya, Saraqusta y Larida

1110 - 1115
Predecesor Abdelmalik
Succesor Ibn Tifilwit

Naixencia ?
Muerte Poco dimpués de 1115

Muhammad ibn al-Hach estió o gobernador almorabet de Balansiya, Saraqusta y Larida

Cheneral almorabet que derrotó a las tropas d'Alifonso VI de Leyón en a batalla de Consuegra lo nombroron walí de Balansiya en 1102, dimpués d'a caita en mans almorabetz de la Valencia de Rodrigo Díaz de Vivar. En 1110 soliciotoron os suyos servicios pa que s'ocupase d'a Taifa de Saraqusta, recientment conquiesta.

Arribó en Saraqusta o 31 de mayo de 1110 y actuó contra Alifonso I lo Batallero, que amenazaba la ciudat dende Chuslivol, y s'encaró con éll, refusando-lo dica Exeya d'os Caballers. Lo Batallero, muito ocupato por os asuntos castellans y os problemas matrimonials, relaxó a suya presión sobre Zaragoza, pero Abd al-Malik ibn Ahmed Imad al-Dawla, o emir destronato, siguió atacando a ciudat dende o suyo refuchio en Rueda de Xalón.

Encomenzó as operacions contra o Condato de Barcelona a lo costato d'o gobernador de Madina Mursiyya, Muhammad ibn Aisa, sufrindo a derrota en a batalla de Martorell. Morió poco dimpués en 1115.

En o terreno civil, reorganizó l'administración y imposó o dinar almorabet como moneda oficial, con o que se recobró a confidanza d'os mercaders, muito malmesa en as zagueras anyatas por a balanza de pagos deficitaria d'o gobierno d'os Banu Hud, que pagaban parias a cambeo de protección.

Bibliografía[editar | editar código]

  • (es) Maria José Cervera Fras, El reino de Saraqusta, Zaragoza, CAI, 1999. ISBN 84-88305-93-1
  • (es) José Luis Corral, Historia de Zaragoza. Zaragoza musulmana (714-1118), Zaragoza, Ayto. de Zaragoza y CAI, 1998. ISBN 84-8069-155-7
  • (es) Alberto Montaner Frutos, "Introducción histórica" al capítulo "El palacio musulmán", en: Bernabé Cabañero Subiza et alt., La Aljafería (vol. I), Zaragoza, Cortes de Aragón, 1998. págs. 35-65. ISBN 84-86794-97-8
  • (es) Maria Jesus Viquera Molins, Aragón musulmán, Zaragoza, Mira editores, 1988. ISBN 84-86778-06-9
  • (es) Maria Jesus Viquera Molins, El islam en Aragón, Zaragoza, CAI, (Col. «Mariano de Pano y Ruata», nº 9), 1995. ISBN 84-88305-27-3