Ibn Tifilwit

De Biquipedia
Ir a la navegación Ir a la búsqueda
Ibn Tifilwit
Emir de Saraqusta

1115 - 1117
Predecesor Muhammad ibn al-Hach
Succesor Alifonso I d'Aragón (rei d'Aragón)

Naixencia ?
Muerte Hibierno de 1117

Abu-Bakr ibn Ibrahim ibn Tifilwit as-Sahrawi estió gubernador almorabet de Saraqusta de 1115 a 1117. Yera cunyau d'o emir almorabet Alí ibn Yúsuf.

Biografía[editar | editar código]

Ibn Tifilwit, emir de Saraqusta, s'instaló en a capital de l'Ebro rodiau de poetas como Ibn Jafaya de Alcira. A o contrario que o suyo antecesor, de gran actividad belica, d'Ibn Tifilwit solo se conoixe una chicota baralla contra Borcha y una expedición a Rueda de castigo a Abdelmalik Imad al-Dawla, pues o hudín destronau yera vasallo d'Alifonso I d'Aragón y atacaba o districto de Saraqusta), que remató con un pactó con o suyos habitadors.

Mas que mas o nuevo emir almorabet se dedicó a las actividatz d'a cort y a o luxo, situando como nuclio cultural os salones d'o palacio de l'Alchafaría.

Ibn Tifilwit nombró como visir a o filosofo Avempace, que s'heba convertiu en a personalidat mas destacada d'a intelectualidat zaragozana, pero o carácter d'Avempace fació que s'enemistaran luego, y o gran filosofo fue engarcholau. Una vegada liberau, optó por ir-se-ne d'a ciudat.

En o hibierno de 1117 muere Ibn Tifilwit, pero ya no le succedería dengún gubierno musulmán. Alifonso I d'Aragón, sin dubda heba parau bien o plan d'asedio a la ciudat, y dentró en ella, dimpués de meyo anyo de setio, o 18 d'aviento de 1118.

Bibliografía[editar | editar código]

  • CERVERA FRAS, M ª José, El reino de Saraqusta, Zaragoza, CAI, 1999. ISBN 84-88305-93-1
  • CORRAL, José Luis, Historia de Zaragoza. Zaragoza musulmana (714-1118), Zaragoza, Ayto. de Zaragoza y CAI, 1998. ISBN 84-8069-155-7
  • LEMA PUEYO, José Ángel, Alfonso I el Batallador, rey de Aragón y Pamplona (1104-1134), Gijón, Trea, 2008, págs. 95-97. ISBN 978-84-9704-399-1.
  • MONTANER FRUTOS, Alberto, "Introducción histórica" al capítulo "El palacio musulmán", en: Bernabé Cabañero Subiza et alt., La Aljafería (vol. I), Zaragoza, Cortes de Aragón, 1998. págs. 35-65. ISBN 84-86794-97-8
  • VIGUERA MOLINS, Mª Jesús, Aragón musulmán, Zaragoza, Mira editores, 1988. ISBN 84-86778-06-9
  • VIGUERA MOLINS, Mª Jesús, El islam en Aragón, Zaragoza, CAI, (Col. «Mariano de Pano y Ruata», nº 9), 1995. ISBN 84-88305-27-3


Predecesor:
Muhammad ibn al-Hach
Gubernador almorabet de Saraqusta
1115-1117
Succesor:
Alifonso I
(rei d'Aragón)