Muchahid

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Muchahid, pl. muchahidín (en arabe, ﻣﺠﺎﻫﺪ pl. ﻣﺠﺎﻫﺪﻳﻦ; muchāhid, pl. muchāhidīn) ye un musulmán que fa l'Alchihad, un combatient musulmán u combatient por l'Islam.

Uso[editar | modificar o codigo]

Entre os periodistas que escriben u parlan en luengas occidentals como o castellano s'ha cheneralizato o emplego d'a palabra presa de l'arabe en plural (muyahidín), que se fa servir en singular y en fan como plural muyaidines. En publicacions mes especializatas u academicas se prefiere fer servir o singular orichinal.

A palabra muchahid (con a grafía francesa moudjahid) s'emplegaba ya en a Guerra d'Alcheria pa charrar d'os alcherins que luitaban contra os franceses. Sindembargo a palabra s'ha feito famosa con enchaquia d'a invasión sovietica d'Afganistán en 1980. Os muchahidín yeran un exercito irregular entrenato y financiato por Arabia Saudita y Estaus Unius que luitaban contra l'Exercito Royo sovietico y o rechimen pro-sovietico de Mohammad Nachibul·lah. Dimpués ixos muchahidín esdebinioron talibans.

En Irán existen os Muchahidín d'o Pueblo, a mes important d'as organizacions armatas d'oposición a la republica islamica, que luitó tamién contra o rechimen d'o shah. La suya ideolochía se califica a vegatas de hibrido d' islamismo y marxismo.

En Bosnia deciban muchahidín a los voluntarios internacionals musulmans que combatioron chunto a las tropas musulmanas locals en a guerra de 1992-1995.

En o conflicto entre islamistas y revolucionarios en Alcheria se fa servir muchahid como sinonimo de combatient opuesto a los islamistas.