Movimiento d'os achustadors amariellos

De Biquipedia
Ir a la navegación Ir a la búsqueda


Gtk-find-and-replace.svg Ista pachina ha menester d'una revisión por un corrector ta amillorar a suya ortografía, a suya gramatica u o suyo vocabulario.
Achustadors amariellos.

O movimiento d'os achustadors amariellos (en francés gilets jaunes) — d'o nombre d'os achustadors reflectants de color amariella levatos per os manifestants— ye un movimiento de protesta, no estructurato, aparexito en Francia a o cabo de 2018.

En primeras centrato en a puyada d'os preus d'o carburant d'os automobils (ell mesmo debito en parti a l'augmento d'a taxa sobre os productos petrolers), a protesta s'estendilló rapedament a atras reivindicacions, enfilatas enta o poder adquisitivo d'as clases meyas e populars, sobre tot rurals e periurbanas, a demisión u mesmo a destitución d'o president d'a Republica Francesa, Emmanuel Macron.

De traza d'una revuelta campesina, ista mobilización trova o suyo orichen en a difusión per os retes socials de clamadas a os ciudadans ta manifestar-se. Presentata en os medios de comunicación como espontania e no partitista, s'organizó alredor d'una primera manifestación nacional o 17 de noviembre de 2018, que se repitió os siguients sabados. A violencia en provocó d'importants danyos materials, sobre tot en París, e menó a numerosas aturanzas. Durando os arroclamientos, tres presonas s'amortón e cientos fuoron nafratas.

Os manifestants reciben o repunte d'a opinión publica e de numerosos dirichents de partitos politicos d'a oposición (Nicolas Dupont-Aignan, Jean Lassalle, Marine Le Pen, Jean-Luc Mélenchon, Laurent Wauquiez). Inicialment hostil a qualsiquier reivindicación d'o movimiento, o gubierno de Philippe anunció a primers d'aviento de 2018 una moratoria sobre a puyada d'as taxas sobre os carburants.

O movimiento se ye estendillato, en menors proporcions, a Belchica e a atros países europeus.