Montenegrins

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Montenegrins Црногорци
Montenegrins en 1869
Rechions con comunidatz importants
Montenegro 278.865
Estaus Unius 40.000 Serbia 38.527 Archentina 30.000 Aragón 3
Idiomas
Idioma montenegrín (stándard local d'o serbocroata)
Relichión
Cristiana Ortodoxa
Pueblos relacionaus
Serbios, bosnios, croatas, macedonyos, bulgaros.
Mapa

Os montenegrins (montenegrín Црногорци) son os habitants mayoritarios de Montenegro. Parlan una luenga eslava meridional, o serbocroata y son cristianos ortodoxos. En a Edat Meya feban parte d'o pueblo serbio, y se'n diferencioron en o periodo de l'otomán.

Luenga

Ta más detalles, veyer l'articlo Idioma montenegrínveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Os montenegrins parlan o serbocroata igual como os serbios, croatas y bosnios. Manimenos a denominación que recibe oficialment a variant standardizada d'o continuum dialectal serbocroata que fan servir os montenegrins ye crnogorski, ye dicir, "montenegrín". Adintro d'este continuum los montenegrins charran una parla xtokavisca con diferiencias en la declinación respecto a atras parlas xtovaviscas d'ixe continuum.

O standard montenegrín se basa sobre tot en a parla d'Herzegovina oriental, que fa part d'o dialecto xtokavisco, igual que os standards d'as "lenguas" croata, bosnia y serbia, tamién denominacions locals de variants standardizadas d'o serbocroata. Muitos d'os parlants nativos no son comodos con a denominación d'orichen academico "serbocroata" y prefieren as denominacions relativas a las nacionalidatz a las que perteneixen.

Historia

Ta más detalles, veyer l'articlo Historia de Montenegroveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Os montenegrins son en o suyo orichen serbios establius en principatos como Doclea / Zeta y atros d'a redolada. Os serbios montenegrins desarrolloron una identidat diferent por estar aislaus entre montanyas con respecto a los atros serbios, que amás yeran sozmesos a lL'Imperio Otomán.

En o marco d'os nacionalismos d'o sieglo XIX os dirichents de Montenegro se percibiban ellos mesmos como serbios y deseyaban restaurar l'imperio serbio medieval, por o que yeran rivals d'os dirichents d'a recient Serbia independient.

Una vegada creyau o Reino d'os Serbios, Croatas y Eslovenos, (dimpués Reino de Yugoslavia), en o periodo d'entreguerras amaneixioron dos faccions oposadas entre os habitants de Montenegro: os "blancos" y os "verdes". Os "blancos" yeran partidarios cerrinos d'a unión con os serbios y s'oposaban a fer distincions entre serbios montenegrins y atros serbios. Os "verdes" reivindicaban una reorganización d'o reino sobre una base federal y no yeran conformes con o control d'o estau que teneban os serbios d'o gobierno de Belgrado

En o decenio de 1980 creixió o nacionalismo serbio en tot o territorio de l'antiga Yugoslavia, incluyiu Montenegro. Quan en 1991 encomienza a descomposición d'a Republica Federal Socialista de Yugoslavia, y Montenegro permaneixe sin independizar-se y participa contra os croatas de Ragusa y Konavle en a Guerra d'independencia croata chunto con os serbios d'Herzegovina oriental y l'Exercito Federal Yugoslau. O desarrollo d'as guerras yugoslavas de secesión fació creixer entre os montenegrins un deseyo de desvinclar-se de Serbia, que heba quedau aislada y desprestichiada internacionalment. Muitos montenegrins reivindicoron a existencia d'una nacionalidat montenegrina diferent d'a nacionalidat serbia y amaneixió un montenegrismo que levó a la independencia de Montenegro en 2006.