Miradors d'o Molar

De Biquipedia
Ir a la navegación Ir a la búsqueda
Anvista dende un d'os miradors con Tobacor (ezquierda) y a punta Acuta (dreita) a o fundo
Gollando enta l'ueste con a Susana Mondarruego, o tozal d'o Mallo y a val de Buixaruelo a o fundo

Os miradors d'o Molar son un conchunto de miradors que se troban en a sierra Carquera, sobre a cresta de Diazas, en a muga sud d'o Parque Nacional d'Ordesa y d'as Tres Serols a una altaria de 2.008 metros sobre o libel d'a mar. Administrativament os miradors son situaus en o municipio de Torla-Ordesa.

Se i arriba dende Torla a traviés d'o sendero PR HU-129.[1]. Dende os miradors bi ha unas sobrebuenas vistas d'a val d'Ordesa y d'as paretz de Mondarruego (2.845 m), o tozal d'o Mallo (2.254 m) y d'os culs de Carriata y Cotatuero. Se i alufran tamién a punta Acuta (2.242 m), punta Tobacor (2.779 m) y mesmo o mallo de Marmorés (3.328 m) y a punta de Treserols (3.355 m) enta l'este; a sierra Tendennera, a punta Mondeniero (2.295 m) y a val de Buixaruelo enta l'ueste y o tozal de Pelopín (2.007 m) y a sierra d'a Monchoya por o sudueste.

Rota[editar | editar código]

Se sale dende a localidat de Torla en o camín que bi ha dezaga l'acceso a o "Camping río Ara" dimpués de pasar o puent sobre o río (976 m d'altaria).

Seguindo os cartels indicadors d'o sendero de chicot recorrito HU-129 plegaremos en os praus de Diazas y a ermita de Santa Ana (1.465 m d'altaria). Dimpués de pasar a ermita se contina por a pista forestal bells metros y torna a prener-se a la ezquierda un sendero por a selva.

Mas alto (1.845 m d'altaria) se torna a la pista ta seguir 300 metros, en plegando a l'acceso a o primer d'os miradors. En iste primer mirador bi ha una senda que s'endreza enta l'ueste a os atros dos, una mica por debaixo d'a cima.

Referencias[editar | editar código]

Vinclos externos[editar | editar código]