Mente

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000

A mente ye a construcción psicolochica que achunta os actos de percepción, cognición y emoción. Ye lo que da consistencia a las impresions y pensamientos d'o subchecto, lo que li permite tener consciencia y personalidat esferenciata d'a resta. Seguntes o punto d'anvista adoptato, a mente puet estar un component d'o cerebro u bien una entidat deseparata, perteneixient a unatro plan esplicativo. Existirban tres vías principals d'abordar-lo: a unidat de tot o cuerpo (a mente no ye mas que o cerebro), como piensan os seguidors d'o materialismo; aquellos que esfensan un dualismo estricto y os partidarios d'o emerchentismo, que creyen que a mente puet surtir d'o fisico e ye ligata indisolublement pero que lo transciende.

A mente ye l'obchecto fundamental d'estudio d'a psicolochía, encara que como concepto y parti distintiva de l'individuo, afecta a atras disciplinas como a filosofía (en o sieglo XX surtió una branca especifica, a filosofía d'a ment). Ta la relichión, ye pareixita en a naturaleza a l'alma, ye lo que permite parlar d'un "yo" racional y unico y s'asimila a lo principio vital. D'antis mas recibiba o nombre d'esprito.

Bi ha habito cuantas teorías sobre a mente y a suya traza de funcionamiento. As primeras especulacions que hue mos son conoixitas son as teorías elaboratas por pensadors como Zoroastres, Buda, Platón, Aristótil u Adi Shankara, amás d'atros filosofos de l'Antiga Grecia u d'a India, y tamién posteriorment musulmans. As teorías prescientificas, basatas en a Relichión, se basaban en a presunta relación existent entre ment y alma, a esencia sobrenatural d'orichen divino atorgata por os dioses a os humans.

Bibliografía[editar | modificar o codigo]

  • (es) José Luis Pinillos. La mente humana.Ediciones Temas de Hoy, 2001. ISBN 9788484601388.
  • (es) Eduard Punset. Cara a cara con la vida, la mente y el universo. 2004.
  • (es) Eduard Punset. El alma está en el cerebro. Radiografía de la máquina de pensar. 2006.

Vinclos externos[editar | modificar o codigo]